భారతదేశంలో తమ మొదటి బ్రాండ్ అంబాసిడర్‌గా రష్మిక మందనాను నియమించిన ఒనిట్సుకా టైగర్
జపనీస్ ఫ్యాషన్ బ్రాండ్ అనగానే మన అందరికి గుర్తుకువచ్చేది ఒనిట్సుకా టైగర్. తమ బ్రాండ్ దుస్తులతో ప్రపంచవ్యాప్తంగా ఫ్యాషన్ ఐకాన్‌గా పేరు తెచ్చుకున్న ఒనిట్సుకా టైగర్.. ఇప్పుడు భారతదేశంలో తమ కార్యకలాపాలను ప్రారంభిస్తోంది. ఇందుకోసం నేషనల్ క్రష్ రష్మిక మందనాను తమ బ్రాండ్‌కు అంబాసిడర్ ప్రకటించింది. ఫ్యాషన్‌తో పాటు స్పోర్స్ట్, ఇన్నోవేషన్‌తో కలిపి అత్యుత్తమ సమకాలీన కలెక్షన్లను అందించడంలో ఈ బ్రాండ్ ఎంతో ప్రసిద్ధి చెందింది. స్టైలిష్ వ్యక్తిత్వం, ఉల్లాసభరితమైన వైబ్- మనోహరమైన శక్తితో తమ బ్రాండ్‌ని నేషనల్ క్రష్ అయినటువంటి రష్మక ప్రతిధ్వనిస్తుందని బ్రాండ్ నమ్ముతుంది. దీంతో... మిలన్ ఫ్యాషన్ వీక్‌లో ఒనిట్సుకా టైగర్ యొక్క ఆటమ్/వింటర్ 2023 షోకేస్‌లో రష్మిక సందడి చేసింది.
కన్నడ, తెలుగు, హిందీ, తమిళ సినిమాలతో భారతదేశంలో స్టార్ హీరోయిన్‌గా పేరు తెచ్చుకుంది రష్మిక. అన్నింటికి మించి అభిమానుల అవార్డులతో పాటు ప్రేక్షకుల రివార్డులను కూడా గెల్చుకుని సినీ పరిశ్రమలో తనకంటూ ఒక సముచిత స్థానాన్ని సంపాదించుకుంది. దేశవ్యాప్తంగా భారీ అభిమానులను కలిగి 'నేషనల్ క్రష్ ఆఫ్ ఇండియా'గా పేరు తెచ్చుకుంది. ఇన్‌స్టాగ్రామ్‌లో రష్మిక మందాన్నకు(@rashmika_mandanna) 36 మిలియన్ల మంది ఫాలోవర్‌లు ఉన్నారు. అంతేకాకుండా ఫోర్బ్స్ ఇండియా యొక్క అత్యంత ప్రభావవంతమైన నటుల జాబితాలో రష్మిక అగ్రస్థానంలో ఉంది.
రష్మిక తనకున్న ప్రత్యేకమైన ఆసక్తితో, అందంగా, ఆరోగ్యంగా, ఆత్మవిశ్వాసంతో కన్పిస్తుంది. ఇదే సంకల్పం బ్రాండ్‌కు కూడా ఉంది. “ఒనిట్సుకా టైగర్‌తో అనుబంధం కలిగి ఉన్నందుకు నేను చాలా సంతోషిస్తున్నాను. ఎందుకంటే సమకాలీన సేకరణ నా సార్టోరియల్ సెన్స్‌తో పూర్తిగా ప్రతిధ్వనిస్తుంది. ఇది ఎంతో ప్రత్యేకమైనది, మరియు కళాత్మకమైనది. ఫ్యాషన్ ఫార్వర్డ్ స్టైల్స్ మరియు సిల్హౌట్‌లతో ప్రయోగాలు చేస్తున్నప్పుడు నా వ్యక్తిత్వంలోని అన్ని అంశాలను ప్రదర్శించడానికి బ్రాండ్ నన్ను అనుమతిస్తుంది. మా సినర్జీలు ఎలా విలీనమవుతాయో చూసేందుకు నేను ఆసక్తిగా ఎదురుచూస్తున్నాను అని అన్నారు రష్మిక మందన్న.
ఒనిట్సుకా టైగర్ స్ప్రింగ్ సమ్మర్ 2023 కలెక్షన్ యొక్క థీమ్ జపనీస్ మినిమలిజం. సృజనాత్మక దర్శకుడు ఆండ్రియా పాంపిలియో దర్శకత్వంలో, ఈ సేకరణ వినూత్న రూపాలను వారసత్వంతో మిళితం చేస్తుంది మరియు అవసరం లేని వాటిని తీసివేసే వ్యవకలన సౌందర్యం ద్వారా అందం యొక్క శిఖరాన్ని వ్యక్తపరుస్తుంది.
