ఆకట్టుకునే కాళ్ళ పట్టీల కోసం ఏం చేయాలి? ఏ సమయంలో వాడాలి?

legs
సిహెచ్| Last Modified గురువారం, 14 మే 2020 (20:46 IST)
కాళ్ళ పట్టీలు నడుస్తున్నప్పుడు చేసే ధ్వని ఇంట్లో ప్రత్యేక అందాన్నిస్తుంది. ఆనందాన్నిస్తుంది. ముఖ్యంగా చిన్నపిల్లల ఆటలప్పుడు కాళ్ళకున్న మువ్వల పట్టీలు చక్కని శబ్ధాన్నిస్తూ ఇంటికి ఓ అలంకారాన్ని మైమరపిస్తాయి. అయితే కాళ్ళ పట్టీలు ఎన్నో అలంకారాలతో అలరారుతూ మనల్ని ఆకట్టుకుంటుంటాయి.

గిల్ట్ పట్టీలు వెండి పట్టీల్లా భ్రమింపజేసే వైట్ మెటల్ రకాలు ప్రస్తుతం మార్కెట్లోకి వచ్చాయి. నమ్మకమున్న షాపుల్లోనే పట్టీలు కొనడం మంచిది. రోజూ తియ్యకుండా ధరించే పట్టీలు సన్నని డిజైన్‌తో వెండితో చేసినవి, మరీ బరువైనవి కాకుండా తేలికపాటివి తీసుకోవాలి.

పట్టీలను చింతపండుతో తోమితే మళ్ళీ మెరుగు వస్తుంది. నలుపురంగు పోతుంది. బంగారు పూత పట్టీలు ప్రత్యేక సందర్భాల్లో ధరిస్తే బాగుంటుంది. కొంత వయస్సు దాటాక అంటే పాతికేళ్ళు దాటిన తరువాత గజ్జెల పట్టీలు ధరించడం బాగుండదు.

పెళ్ళిళ్ళప్పుడు, పేరంటాళ్లప్పుడు, పెద్ద డిజైన్ పట్టీలు పెడితే బాగుంటుంది. ఆఫీసుకి వెళ్ళేటప్పుడు మీటింగ్ ఉన్నప్పుడు శబ్థం చేయని కాళ్ళపట్టీలు ధరించాలి. రాత్రి, ప్రయాణాలప్పుడు పట్టీలు వాడకపోతేనే మంచిది.

రెండుకాళ్ళ పట్టీలను వేర్వేరుగా పొట్లాలుగా కట్టి ఉంచితే ఇరుక్కుకుండా ఉంటాయి. సులభంగా తీసుకుని ధరించవచ్చు. రంగు కాగితంలో దాస్తే మరీ మంచిదట.



దీనిపై మరింత చదవండి :