Daily Horoscope
✕

నవరత్నాలలో నీలమణి.. ఎవరు ధరించకూడదు.. ఎవరికి ఉత్తమం?

Written By సెల్వి
Updated: మంగళవారం, 19 డిశెంబరు 2023 (12:38 IST)
నవరత్నాలలో నీలమణి శనికి చెందినది. నీలమణి అల్యూమినియం ఆక్సైడ్. ఇది త్రిభుజాకార క్రిస్టల్ నిర్మాణాన్ని కలిగి ఉంటుంది. దీనిని ఆంగ్లంలో 'సఫైర్' అంటారు. నీలమణి నీలి రంగులోనే కాకుండా ఆకుపచ్చ, పసుపు రంగులలో కూడా లభిస్తుంది. దీనిని ఫ్యాన్సీ సఫైర్ అంటారు. మంచి పింక్ కలర్ ఖరీదైనది. 
 
నారింజ, గులాబీ రంగుల మిశ్రమంలో ఉండే నీలమణి శ్రీలంక, వియత్నాం వంటి దేశాల్లో దొరుకుతుంది. తూర్పు ఆఫ్రికాలో "పద్మరంగ'' అని పిలువబడే తామర రంగు నీలమణి కనుగొనబడింది. నీలమణి ఆస్ట్రేలియా, ఆఫ్ఘనిస్తాన్, కంబోడియా, చైనా, కొలంబియా, ఇండియా (జమ్మూ- కాశ్మీర్), కెన్యా, శ్రీలంక, వియత్నాం వంటి దేశాల్లో అందుబాటులో ఉంది. 
 
నీలమణిని మన దేశంలోనే కాకుండా పాశ్చాత్య దేశాలలో కూడా ప్రత్యేక కారణాల వల్ల ధరిస్తారు. కంటి ఒత్తిడిని నయం చేయడానికి ఇటలీలో దీనిని ధరిస్తారు. స్కాట్లాండ్‌లో, క్వీన్ మేరీ తన కంటి మంటను నయం చేసేందుకు మెడల్లియన్‌లో నీలిరంగు రాయిని అమర్చారు.  
 
వజ్రం తర్వాత నీలమణి రెండవ అత్యంత మన్నికైన రత్నం. శని భగవానుడు కటి దిగువ ప్రాంతాలకు, ముఖ్యంగా ఎముకలకు అధిపతి. జాతకంలో శని బలం లేనప్పుడు తరచుగా పగుళ్లు,  ఎముకలు అరిగిపోవడం వంటి సమస్యలు సాధారణం. అలాంటి వారు నీలమణిని ధరించడం వలన వ్యాధి త్వరగా నయమవుతుంది. నీలమణిని ధరించడం వల్ల ప్రకృతి వైపరీత్యాల నుండి ముఖ్యంగా భూకంపాల నుండి రక్షణ పొందవచ్చు.
 
ఎవరు ధరించకూడదు?
సూర్యుడు చంద్రుడు - శని గ్రహాలు శత్రు గ్రహాలు కాబట్టి, సింహ రాశిలో జన్మించిన వారు నీలమణిని ధరించకూడదు. మీన, ధనుస్సు రాశులకు గురువు కూడా శని శత్రువు కాబట్టి నీలమణిని ధరించకూడదు.
 
నీలమణిని మంచి రత్నాల శాస్త్రం తెలిసిన వారి దగ్గర కనుక్కొని కొనాలి. వెండి ఉంగరం లేదా ప్లాటినంతో కలిపి ధరించవచ్చు. బంగారంతో పొదిగించుకుని ధరించవద్దు. శనివారం ధరించాలి. నీలమణిని ధరించే ముందు, "ఓం శనైశ్చరాయ నమః" అనే మంత్రాన్ని 108 సార్లు చదివి, ఆపై దానిని ధరించాలి. దీన్ని పాలలో గంటసేపు నానబెట్టి పనీర్‌లో కడగాలి. 
 
60 రోజుల ధరించిన తర్వాత శుభ ఫలితాలను చూస్తారు. శని బలం ఉంటే కొంతమందికి ఒక్కరోజులో తెలిసిపోతుంది. ప్రమోషన్లు లభిస్తాయి. ఇది మానసిక ఒత్తిడి దూరం అవుతుంది. స్పష్టమైన నిర్ణయాలు తీసుకోవడానికి సహాయపడుతుంది. దారిద్ర్యం తొలగిపోతుంది. ఐశ్వర్యం లభిస్తుంది.
 
ఎవరు ధరించవచ్చు?
శని భూగర్భంలో ఉండే పదార్థాలకు, ఇనుముకు అధిపతి. పెట్రోలు, డీజిల్ అమ్మేవారు, తారురోడ్లు వేసే ప్రభుత్వ కాంట్రాక్టర్లు, చిత్తు, ఇనుము కొనుగోలు చేసేవారు, కమ్మరులు, ఇనుప పనిముట్లను తయారు చేసేవారుస లాత్ షాపు యజమానులు, కార్ రిపేర్ షాపు యజమానులు, కార్మికులు మొదలైనవారు నీలమణిని ధరించడం ద్వారా శుభ ఫలితాలు పొందుతారు. వీరికి శ్రేయస్సు ఉంటుంది. వ్యాపార సమస్యలు తగ్గుతాయి. పాలనాబలం ఉన్న రాజకీయ నేత అయినా.. రాజకీయ సమావేశాలకు వెళ్లినప్పుడు సామాన్య ప్రజానీకాన్ని పలకరించాలి.
 
పెద్ద షాపు ఓనర్ అయినా.. తన షాపులో వస్తువులు కొనుక్కోవడానికి వచ్చిన వారికి నమస్కారం చేసి స్వాగతం పలకాలి. ఇలా ధనం, పదవి, ప్రభావం ఉన్నా శని ద్వారా ఆ స్థానానికి చేరుకున్నా.. తెలిసినా తెలియకపోయినా అందరికీ నమస్కరించాలి. ఎందుకంటే వినయం, విధేయత, నిజాయితీతో మెలిగిన వారిని శని అనుగ్రహిస్తాడు. 
 
ఏ రాశి వారికి మంచిది?
శని మహర్దశ, శని దశాకాలం నడిచేవారు ధరించవచ్చు. శని రాశి అయిన మకరం, కుంభరాశిలో జన్మించిన వారు, శని నక్షత్రంలో జన్మించిన వారు నీలపు రత్నాన్ని ధరించవచ్చు. నీలమణి ఆజ్ఞా చక్రాన్ని తెరవగల సమర్థతతో కూడినది. పిట్యూటరీ స్రావాన్ని పెంచుతుంది. దీని వల్ల ఒత్తిడి తగ్గి మనసు తేలికగా మారుతుంది. సృజనాత్మక పెరుగుతుంది.
 
సెప్టెంబరులో పుట్టినవారు, 8 సంఖ్యతో కూడిన వారు, 8, 17, 26 తేదీల్లో పుట్టిన వారు నీలమణిని ధరించవచ్చు. బుధుడు, శుక్ర ఆధిపత్యం గల రాశుల వారు, నీలమణి ధరించవచ్చు. బుధుడు, శుక్రుడు శనికి స్నేహ గ్రహాలు కావడంతో మంచి మార్పు కనిపిస్తుందని రత్నాల శాస్త్ర నిపుణులు చెప్తున్నారు. 

అన్నీ చూడండి

చాక్లెట్లు, వడా పావ్ కొనిస్తానని చెప్పి ఇద్దరు కుమారుల్ని కాలువలో విసిరేశాడు..

ఇంట్లో నుంచి కాలు బయటపెట్టొద్దు.. వైకాపా ఎంపీ అవినాశ్‌కు పోలీసుల నోటీసు

ప్రమాదంలో చిక్కిన కాంగ్రెస్ ఎమ్మెల్సీ బల్మూరి వెంకట్ కారు.. తప్పిన ముప్పు

తీవ్ర తుఫానుగా బలపడిన అక్వాన్.. గాలుల వేగం గంటకు 120-130 కిలోమీటర్లు

భారత్ ఫ్యూచర్ సిటీ ప్లాన్.. రూ.18,000 కోట్ల పెట్టుబడి అవసరం

అన్నీ చూడండి

18-11-2026 - బుధవారం రాశి ఫలాలు- ఆర్థికంగా అనుకూలత కనిపించినా..?

కార్తీక మాసం తొమ్మిదో రోజున తులసీ పూజ.. సిరిసంపదల కోసం...?

17-11-2026- మంగళవారం రాశి ఫలాలు- అనవసరమైన వాదనలకు దూరంగా ఉంటే?

16-11-2026 సోమవారం దిన ఫలాలు - చేస్తున్న పనులపై శ్రద్ధ వహించండి...

15-11-2026 - ఆదివారం రాశి ఫలాలు - ఆరోగ్యపరంగా చిన్నపాటి అలసట ఉన్నా..?

తర్వాతి కథనం
Show comments