ఆ కోడి తల తెగినా ప్రాణాలు నిలబెట్టుకుంది.. 18 నెలలు జీవించింది... ఎలా?
చాలా మంది వ్యక్తులు.. నా తల తెగినా సరే.. మాట తప్పను అంటూ భీష్మ శపథాలు చేస్తుంటారు. మనుషుల సంగతి ఏంటో గానీ.. ఆ కోడి మాత్రం.. నిజంగానే తల తెగిపడినా తన ప్రాణాలు మాత్రం నిలబెట్టుకుంది. అది కూడా ఏదో కాళ్లీ
చాలా మంది వ్యక్తులు.. నా తల తెగినా సరే.. మాట తప్పను అంటూ భీష్మ శపథాలు చేస్తుంటారు. మనుషుల సంగతి ఏంటో గానీ.. ఆ కోడి మాత్రం.. నిజంగానే తల తెగిపడినా తన ప్రాణాలు మాత్రం నిలబెట్టుకుంది. అది కూడా ఏదో కాళ్లీడ్చుకుంటూ కాదు. నిటారుగా నిలబడుతూనే, ఠీవిగా నడుస్తూనే!... ఏకంగా 18 నెలల పాటు జీవించింది. ఈ వివరాలను పరిశీలిస్తే..
అమెరికాలోని కొలరాడోలోని ఫ్రూటా నివాసి లాయిడ్‌ ఓల్సెన్. ఈయన భార్యకు కోడికూర తినాలనే ఆశ కలిగింది. ఈ ఆశకూడా దీర్ఘకాలికంగా ఉంది. దీంతో ఓ రోజున రాత్రి భోజనానికి చక్కగా పనికొచ్చేలా ఓ ఐదున్నర మాసాల వయసు కోడిని కొనుగోలు చేశాడు. దీనికి మైక్ అనే పేరు పెట్టాడు. ఈ కోడిని చంకలో బెట్టుకుని ఇంటికి చేరుకున్న ఆయన.. భార్య కోర్కె మేరకు కత్తితో కోడి తలపై ఒక్క వేటు వేశాడు. అంతే.. తల తెగి.. అల్లంత దూరాన పడింది. ఇక కూర వండుకు తినడమే తరువాయి అనుకున్నాడు ఆ భార్యాభర్తలు.
కానీ, ఇక్కడ విచిత్రమేమింటే.. ఆ కోడి చావలేదు కదా.. రెండు కాళ్లపై నిటారు నిల్చుంది. దీంతో ఆ దంపతులు ఆశ్చర్యపోయారు. అదో వింతగా చూస్తుండిపోయారు. ఇంత జరిగాక కూడా దాన్ని కోసుకుతింటే బాగోదనిపించి, ఆయన పెంచుకోవడం మొదలుపెట్టాడు. దానికి ఐ డ్రాపర్‌ సహాయంతో నీళ్లు, ఆహారం అందించేవాడు. అలా దాదాపు 18 నెలలపాటు ఆరోగ్యంగా జీవించింది ఆ కోడి. చివరకు ఓ రోజు లాయిడ్‌ ఆహారం తినిపిస్తుండగా మైక్ ఆహార నాళం పూర్తిగా మూసుకుపోయింది. అలా ఊపిరాడక పైలోకాలకు చేరుకుంది.
