బస్సులో టాప్, జీన్స్ చించేశారు.. నోటికి టేప్ అతికించారు.. వీడియో వైరల్

మహిళలపై లైంగిక వేధింపులు కొనసాగుతూనే వున్నాయి. తాజాగా మొరాకోలోని కాసాంబ్లాంకా పట్టణంలో బస్సులో యువతిని దారుణంగా వేధించిన వీడియో సోషల్ మీడియాలో చక్కర్లు కొడుతోంది. ఈ వీడియోలో నలుగురు కుర్రాళ్లు నవ్వుతూ

మహిళలపై లైంగిక వేధింపులు కొనసాగుతూనే వున్నాయి. తాజాగా మొరాకోలోని కాసాంబ్లాంకా పట్టణంలో బస్సులో యువతిని దారుణంగా వేధించిన వీడియో సోషల్ మీడియాలో చక్కర్లు కొడుతోంది. ఈ వీడియోలో నలుగురు కుర్రాళ్లు నవ్వుతూ కనిపించారు. 

టాప్, జీన్స్ బట్టలు చించుతూ.. అరబిక్ భాషలో బండ బూతులు తిట్టారు. ఆమె నోటికి టేప్ వేసి హింసించారు. యువతి కన్నీళ్లు పెట్టుకుంది. అంత జరిగినా ఆమెకు సాయం చేసేందుకు తోటి ప్రయాణీకులు ఎవ్వరూ ముందుకు రాలేదు. ఈ వీడియో ప్రస్తుతం సోషల్ మీడియాలో వైరల్ అవుతోంది. 

అయితే యువతిపై అత్యాచారం జరిగిందంటూ విమర్శలు వినిపించడంతో పోలీసులు కేసు నమోదు చేసుకుని దర్యాప్తు చేపట్టారు. 15 నుంచి 17 ఏళ్ల వయస్సున్న ఆరుగురు బాలురు ఈ వెకిలి చేష్టలకు పాల్పడ్డారని రుజువైంది. దీంతో వారిని పోలీసులు అదుపులోకి తీసుకున్నారు. 

యువతి డ్రెస్సింగ్ సరిగ్గా లేదని.. రెచ్చగొట్టేలా వుండటంతోనే అలా చేసి వుంటారని కొందరు నెటిజన్లు అంటుంటే.. మహిళలను గౌరవించడం నేర్చుకోండని మరికొందరు నెటిజన్లు మండిపడుతున్నారు.