#BSNL bumper offer: నెలకు రూ.249... రోజుకు 10జీబీ డేటా

ప్రభుత్వ టెలికాం రంగసంస్థ అయిన బీఎస్ఎన్ఎల్ తాజాగా మరో బంపర్ ఆఫర్‌ను ప్రకటించింది. నెలకు 249 రూపాయలు చెల్లిస్తే రోజుకు 10జీబీ డేటా పొందొచ్చని అధికారికంగా ప్రకటించింది. అంతేకాదు

bsnl bumper offer
pnr| Last Updated: బుధవారం, 5 ఏప్రియల్ 2017 (14:46 IST)
దేశీయ టెలికాం రంగంలో ఆఫర్ల యుద్ధం కొనసాగుతోంది. రిలయన్స్ జియో సేవలు అందుబాటులోకి వచ్చిన తర్వాత మొబైల్ సేవలు చౌక ధరకే అందుబాటులోకి వచ్చాయి. ముఖ్యంగా తన వినియోగదారులకు జియో ప్రకటిస్తున్న ఆఫర్లతో ఇతర టెలికాం కంపెనీలు బెంబేలెత్తిపోతున్నాయి. దీంతో ఆ కంపెనీలు కూడా ధరలను విపరీతంగా తగ్గించడమే కాకుండా, ప్రత్యేక ఆఫర్లను ప్రకటిస్తున్నాయి.

ఈ కోవలో ప్రభుత్వ టెలికాం రంగసంస్థ అయిన బీఎస్ఎన్ఎల్ తాజాగా మరో బంపర్ ఆఫర్‌ను ప్రకటించింది. నెలకు 249 రూపాయలు చెల్లిస్తే రోజుకు 10జీబీ డేటా పొందొచ్చని అధికారికంగా ప్రకటించింది. అంతేకాదు, రాత్రి 9 గంటల నుంచి ఉదయం 7 గంటల వరకు, ప్రతి ఆదివారం అపరిమిత ఉచిత కాల్స్ మాట్లాడుకునే సౌలభ్యాన్ని కల్పించింది. ఈ ఆఫర్ జూన్ 30వ తేదీ వరకు అందుబాటులో ఉంటుందని తెలిపింది.

అన్‌లిమిటెడ్ వైర్డ్ బ్రాడ్‌బ్యాండ్ పేరుతో బీఎస్‌ఎన్‌ఎల్ ఈ ఆఫర్‌ను అందుబాటులోకి తెచ్చింది. ఈ ఆఫర్ కింద కనెక్షన్ పొందేవారికి ఇంటర్నెట్ స్పీడ్ మినిమమ్ 2ఎంబీపీఎస్‌గా ఉంటుంది. పైగా ఈ మంత్లీ ప్యాక్ ధర... దాని ప్రయోజనాలు జియో ప్రకటించిన 303 రూపాయల ప్లాన్ కంటే మెరుగ్గా ఉన్నాయని చెబుతున్నారు.



దీనిపై మరింత చదవండి :