జియో ఎఫెక్ట్ : రూ.29తో నెలంతా ఇంటర్నెట్.. ఎయిర్‌టెల్

రిలయన్స్ జియో సేవలు దేశ వ్యాప్తంగా అందుబాటులోకి రావడంతో టెలికామ్ కంపెనీల మధ్య ధరల యుద్ధం ప్రారంభమైంది. ఇప్పటికే జియో పోటీని తట్టుకునేందుకు వీలుగా ప్రభుత్వ రంగ టెలికామ్ సంస్థ బీఎస్ఎన్ఎల్ ఇప్పటికే బిబి2

రిలయన్స్ జియో సేవలు దేశ వ్యాప్తంగా అందుబాటులోకి రావడంతో టెలికామ్ కంపెనీల మధ్య ధరల యుద్ధం ప్రారంభమైంది. ఇప్పటికే జియో పోటీని తట్టుకునేందుకు వీలుగా ప్రభుత్వ రంగ టెలికామ్ సంస్థ బీఎస్ఎన్ఎల్ ఇప్పటికే బిబి249 పేరుతో అపరిమిత ఇంటర్నెట్ ప్యాక్‌ను ప్రకటించింది. ఇపుడు తాజాగా టెలికామ్ దిగ్గజం ఎయిర్‌టెల్ కూడా ఇదే దారిలోకి వచ్చింది. నెలంతా ఇంటర్నెట్ పేరుతో రూ.29 విలువ గల ప్రీపెయిడ్ డేటా ప్యాక్‌ను ప్రవేశపెట్టింది. 30 రోజుల కాలపరిమితి గల ఈ ప్యాక్ కింద 75 ఎంబీ 2జీ/3జీ/4జీ డేటా అందుకోవచ్చు. అందుబాటు ధరలో ఎంట్రీ లెవెల్ ప్యాక్‌తో ఎక్కువ రోజులు ఆన్‌లైన్‌లో ఉండాలని కోరుకునే వారి కోసం దీనిని అందుబాటులోకి తెచ్చినట్టు కంపెనీ తెలిపింది.

మరోవైపు.. గత నెలలో ఎయిర్‌టెల్ కంపెనీ డేటా చార్జీలను గణనీయంగా తగ్గించిన విషయం తెల్సిందే. ప్రీపెయిడ్ కస్టమర్ల కోసం మెగా సేవర్ ప్యాక్ కింద యేడాది పాటు 1జీబీ 4జీ డేటాను రూ.51 చొప్పున అందిస్తామని ప్రకటించింది. అయితే ఈ ప్యాక్ కోసం ముందుగా వారు రూ.1,498 చెల్లించి 1జీబీ 4జీ/3జీ డేటా ప్లాన్ తీసుకోవాలి. ఆ తర్వాత ఏడాదిపాటు ఎన్నిసార్లయినా రూ.51 చెల్లించి 1జీబీ 3జీ/4జీ డేటాను రీఛార్జ్ చేయించుకోవచ్చు. అలాగే రూ.748 చెల్లించి 1జీబీ 4జీ/3జీ డేటా ప్యాక్ తీసుకున్న వారు... ఆ తర్వాత 6 నెలల పాటు రూ.99 చొప్పున ఎన్నిసార్లయినా 1జీబీ 3జీ/4జీ డేటా ప్యాక్‌లు తీసుకునేలా ఆఫర్లు ప్రకటించింది.