స్నేహితుడు భార్యను పెళ్లి చేసుకునేందుకు... ఏం చేశాడో తెలుసా?
వారిద్దరూ మంచి స్నేహితులు. ఈ క్రమంలో స్నేహితుడి భార్యపై మరో ఫ్రెండ్ మనసుపడ్డాడు. ఆమెను పెళ్లి చేసుకోవాలని నిర్ణయించుకున్నాడు. కానీ, తన స్నేహితుడైన ఆమె భర్త అడ్డు ఉన్నంతకాలం తన కోర్కె నెరవేరదని భావించాడు. అందుకే అడ్డుగా ఉన్న తన స్నేహితుడుని చంపేశాడు. ఆ తర్వాత పోలీసుకు చిక్కి జైలు ఊచలు లెక్కిస్తున్నాడు.
ఈ నెల 24, 25వ తేదీల్లో జరిగిన ఈ దారుణ హత్య వివరాలను పరిశీలిస్తే, ఢిల్లీకి చెందిన గుల్కేష్, దల్బీర్ (30) అనే వ్యక్తులిద్దరూ మంచి స్నేహితులు. వీరిలో దల్బీర్‌కు వివాహమైంది. ఈమెపై గుల్కేష్ మనసుపడ్డారు. ఆమె కూడా గుల్కేష్‌ను ఇష్టపడటంతో ఇద్దరూ అక్రమ సంబంధం పెట్టుకున్నారు.
అయితే, ఆమెను పెళ్లి చేసుకోవాలని భావించిన గుల్కేష్... దల్బీర్ అడ్డు తొలగించుకోవాలని భావించాడు. ఇందులోభాగంగా, ఈనెల 24, 25 తేదీల్లో దల్బీర్‌ను ఇంటికి పిలిచాడు. ఆ తర్వాత వారిద్దరూ కలిసి రామా రోడ్డు, ప్రేమ్ నగర్ పాతక్ రైల్వే ట్రాక్‌ వద్దకు వెళ్లారు. అక్కడ దల్బీర్‌ను హత్య చేసిన గుల్కేష్ మృతదేహాన్ని రైల్వే ట్రాక్‌పై పడేసి వచ్చాడు.
ఆ తర్వాత పోలీసులు సమాచారం తెలుసుకున్న పోలీసులు... కేసు నమోదు చేసి ఆరా తీయగా, మొబైల్ ఫోన్ కాల్ డేటా ఆధారంగా గుల్కేష్‌ను అదుపులోకి తీసుకుని విచారించగా, అసలు విషయం వెల్లడైంది. దల్బీర్ భార్యను పెళ్లి చేసుకోవాలన్న ఉద్దేశ్యంతో ఈ పనికి పాల్పడినట్టు వెల్లడించారు. దీంతో అతనిపై హత్యా కేసు నమోదు చేసి విచారణ జరుపుతున్నారు.
