పెళ్లి చూద్దామని వెళ్లిన అమ్మాయి మెడలో తాళి కట్టిన వరుడు...

మ్యారేజెస్ ఆర్ మేడ్ ఇన్ హెవన్... ఎవరికి ఎవరితో పెళ్లి జరగాలనేది దేవుడు ఎప్పుడో నిర్ణయించేస్తాడు. అందుకే కొన్నిసార్లు పెళ్లి పీటలపైకి ఎక్కిన తర్వాత కూడా పెళ్లి పెటాకులవుతుంది. తేడా కొట్టిన తర్వాత కొన్నాళ్లకు మరొకరితో పెళ్లవుతుంది. కొన్ని పెళ్లిళ్లయితే

మ్యారేజెస్ ఆర్ మేడ్ ఇన్ హెవన్... ఎవరికి ఎవరితో పెళ్లి జరగాలనేది దేవుడు ఎప్పుడో నిర్ణయించేస్తాడు. అందుకే కొన్నిసార్లు పెళ్లి పీటలపైకి ఎక్కిన తర్వాత కూడా పెళ్లి పెటాకులవుతుంది. తేడా కొట్టిన తర్వాత కొన్నాళ్లకు మరొకరితో పెళ్లవుతుంది. కొన్ని పెళ్లిళ్లయితే పెళ్లి పందిరిలోనే పెళ్లికుమారుడు లేదా పెళ్లి కుమార్తెతో కాకుండా మరొకరితో జరిగిపోతుంది. ఇలాంటి ఘటనే ఒకటి తమిళనాడులో జరిగింది. 

వివరాల్లోకి వెళితే... తిరుచ్చిలోని తురైయూర్ గ్రామానికి చెందిన వెంకటేశన్ కూరగాయల వ్యాపారం చేస్తుంటాడు. అతడికి అదే జిల్లాలో వున్న యువతితో పెళ్లి నిశ్చయమైంది. బంధువులు, స్నేహితులు అంతా పెళ్లికి వచ్చేశారు. వరుడు మరికొద్ది సేపట్లో వధువు మెడలో తాళిబొట్టు కడతాన్న సమయంలో.... ఆపండి.. అంటూ పోలీసులు ఎంట్రీ ఇచ్చారు. 

సదరు యువతికి ఇంకా మైనారిటీ తీరలేదు కనుక పెళ్లి చేసేందుకు వీల్లేదని తేల్చి చెప్పారు. దీనితో పెళ్లి కుమారుడు తరపువారికి ఏం చేయాలో అర్థంకాలేదు. దీనితో పెళ్లి చూసేందుకు వచ్చిన ఓ అమ్మాయిని ఒప్పించి వరుడు పక్కనే కూర్చోబెట్టి ఆమెనిచ్చి పెళ్లి చేసేశారు. వరుడు అలా తన పెళ్లి చూసేందుకు వచ్చిన అమ్మాయి మెడలో తాళి కట్టేశాడు.