కీచకుడిగా మారిన కానిస్టేబుల్.. ఇంటికి రమ్మని అలా చేసేవాడు..
కానిస్టేబుల్ కీచకుడిగా మారాడు. 13 ఏళ్ల బాలికపై కన్నేశాడు. వివరాల్లోకి వెళితే.. ముంబైలో విలే పార్లేకి చెందిన 28 ఏళ్ల కానిస్టేబుల్ ఎనిమిదో తరగతి చదువుతున్న చిన్నారిపై కన్నేశాడు. ఎవరూ లేని సమయంలో ఆ చిన్నారిని తన ఇంటికి రమ్మని బెదిరింపులకు దిగేవాడు. ఇలా ప్రతి రోజూ ఆ మైనర్ బాలికను వేధింపులకు గురి చేసేవాడు. ఈ విషయం ఎవరికైనా చెబితే చంపేస్తానని బెదిరించేవాడు.
ఇలా రోజు జరుగుతున్న భయంతో ఆ మైనర్ బాలిక తన తల్లిదండ్రులకు ఈ విషయం చెప్పలేదు. కానీ, చుట్టు పక్కల ఉన్న వారు ఈ విషయాన్ని బాలిక తల్లిదండ్రులకు తెలిపారు. ఈ విషయం నిజమని నిర్థారించుకున్న తర్వాత ఆ బాలిక తల్లిదండ్రులు పోలీస్ స్టేషన్‌లో ఆ కీచకుడి మీద ఫిర్యాదు చేశారు.
ఈ ఘటనపై పోలీసులు పోక్సో చట్టం కింద కేసు నమోదు చేసుకున్నారు. ఇంకా ఆ కీచక కానిస్టేబుల్‌ను విధుల నుంచి సస్పెండ్ చేశారు. అధికారం ఉందని ఇలాంటి చర్యలకు ఎవరైనా పాల్పడితే చర్యలు తప్పవని ముంబై పోలీసులు హెచ్చరించారు.
