భారత రక్షణ రంగం మరో రికార్డు.. లక్ష కోట్లు దాటిన?
భారత రక్షణ రంగం మరో రికార్డును తన ఖాతాలో వేసుకుంది. రక్షణ రంగంలోని ఉత్పత్తి తొలిసారి లక్ష కోట్ల రూపాయల మైలు రాయిని చేరుకుంది. 2022-23 ఆర్థిక సంవత్సరం భారత రక్షణ ఉత్పత్తుల విలువల లక్ష కోట్ల రూపాయలు దాటిందని రక్షణ మంత్రిత్వ శాఖ తెలిపింది.
తాజాగా నమోదైన రక్షణ రంగంలోని ఉత్పత్తుల విలువ 1.06 లక్షల కోట్ల రూపాయలు ఉంటుందని సైనిక అధికారిక వర్గాలు తెలిపాయి. 2021-22లో 95,000 కోట్ల రూపాయలతో పోలిస్తే 2022-23లో రక్షణ ఉత్పత్తి విలువ 12 శాతం పెరిగిందని మంత్రిత్వ శాఖ పేర్కొంది.
