ఢిల్లీలో దారుణం : పెళ్లి చేయాల్సి వస్తుందని సవతి చెల్లెల్ని హత్య చేసిన అన్న
ఢిల్లీలో దారుణం జరిగింది. మానవసంబంధాలు మంటగలసిపోయాయి. పెళ్లి చేయాల్సి వస్తుందని చెల్లెల్ని హత్య చేశాడు. తాజాగా వెలుగు చూసిన ఈ దారుణ వివరాలను పరిశీలిస్తే... న్యూఢిల్లీలోని హస్నాపూర్‌లోని మధువిహార్‌లో న
ఢిల్లీలో దారుణం జరిగింది. మానవసంబంధాలు మంటగలసిపోయాయి. పెళ్లి చేయాల్సి వస్తుందని చెల్లెల్ని హత్య చేశాడు. తాజాగా వెలుగు చూసిన ఈ దారుణ వివరాలను పరిశీలిస్తే... న్యూఢిల్లీలోని హస్నాపూర్‌లోని మధువిహార్‌లో నివాసముండే కుటుంబ పెద్ద 2008లో మృతిచెందారు. ఆయనకు ఇద్దరు భార్యలు. వారి ద్వారా ఆయనకు కుమారుడు, కుమార్తె ఉన్నారు. ఆ బాలికకు ఇప్పుడు 19 ఏళ్లు. దీంతో ఆమెకు పెళ్లి చేయాల్సిన బాధ్యత సవతి సోదరుడైన తపాస్ బర్మన్‌పై పడింది.
సవతి చెల్లెలి బాధ్యత తలకెత్తుకోవాల్సిన తపస్, ఆమెకు వివాహం చేయడం కంటే ఆమె ప్రాణాలు తీయడమే మంచిదనే నిర్ణయానికి వచ్చాడు. అంతే.. ఆమె గొంతుకు చున్నీ బిగించి హత్య చేశాడు. అనంతరం ఆమె మృతదేహాన్ని అక్కడే వదిలేసి పరారయ్యాడు. దీంతో మధువిహార్‌లోని ఆ ఇంటి నుంచి దుర్వాసనరావడంతో అనుమానం వచ్చిన స్థానికులు లోపలికెళ్లి చూడగా, బాలిక మృతదేహం పడి ఉంది.
దీంతో వారు పోలీసులకు సమాచారం అందించగా, వారు వచ్చి మృతదేహాన్ని స్వాధీనం చేసుకుని శవపరీక్షకు పంపారు. అనంతరం తపస్ బర్మన్‌ను అదుపులోకి తీసుకుని విచారించగా, పెళ్లి చేయాల్సి వస్తుందని చెల్లెలిని హతమార్చినట్టు తెలిపాడు. దీనిపై కేసు నమోదు చేసి దర్యాప్తు జరుపుతున్నారు.
