ఒక మహిళపై 15 వీధికుక్కల దాడి.. చివరికి ఏమైందంటే?
హైదరాబాద్‌లో వీధి కుక్కల దాడులు పెరిగిపోతున్నాయి. తాజాగా ఓ మహిళపై దాదాపు 15 వీధి కుక్కలు దాడి చేసే ప్రయత్నం చేశాయి. ఈ ఘటన హైదరాబాద్ వ్యాప్తంగా సంచలనం సృష్టించింది. అయితే ఈ ఘటనలో మహిళ స్వల్ప గాయాలతో బయటపడింది. ఈ ఘటనకు సంబంధించిన వీడియో నెట్టింట వైరల్ అవుతుండటంతో నెటిజన్లు జీహెచ్ఎంసీపై మండిపడుతున్నారు.
ఈ ఘటన చిత్రపురి కాలనీలో జరిగింది. చిత్రపురి కాలనీలో నడుచుకుంటూ వెళ్తోన్న మహిళపై వీధికుక్కలు దాడికి యత్నించాయి. చుట్టుముట్టిన వీధి శునకాల బారి నుంచి తప్పించుకునేందుకు మహిళ ప్రయత్నం చేసింది. చివరికి ఓ ద్విచక్రవాహనదారుడు కుక్కలను తరమడంతో మహిళ ప్రాణాలతో బయట పడింది. ఈ దృశ్యాలన్ని అక్కడ అమర్చిన సీసీ కెమెరాల్లో రికార్డు అయ్యాయి.
