ఫర్హానాను నయీమ్ ముద్దుగా 'కోకోనట్' పేరుతో పిలుపు... నువ్వు 'కోకోనట్ అయితే మిగిలినవారూ...
కోకోనట్ అంటే తెలియనివారు ఉండరు కదా. కొబ్బరి బొండాం కావచ్చు లేదా కొబ్బరికాయ కావచ్చు. ఐతే ఈ కాయ పేరును నయీమ్ తన భార్యగా చెప్పుకుంటున్న ఫర్హానాకు పెట్టుకున్నాడు. అంతేకాదు.. ఆమె పేరుపై గోవాలో 2014లో రూ. 1,00,00,000తో ఓ మోడ్రన్ గెస్ట్ హౌసును కొనుగోలు చేశా
కోకోనట్ అంటే తెలియనివారు ఉండరు కదా. కొబ్బరి బొండాం కావచ్చు లేదా కొబ్బరికాయ కావచ్చు. ఐతే ఈ కాయ పేరును నయీమ్ తన భార్యగా చెప్పుకుంటున్న ఫర్హానాకు పెట్టుకున్నాడు. అంతేకాదు.. ఆమె పేరుపై గోవాలో 2014లో రూ. 1,00,00,000తో ఓ మోడ్రన్ గెస్ట్ హౌసును కొనుగోలు చేశాడు. కోకోనట్(పర్హానా) అక్కడి వ్యవహారాలన్నీ చూసుకునేది. దీనితో నయీమ్ మాఫియా గోవా వరకూ వ్యాపించిందని పోలీసులు కనుగొన్నారు. గోవాలో అతడి మాఫియా ఏ స్థాయిలో ఉన్నదో తెలుసుకునేందుకు ఫర్హానా(కోకోనట్) వద్ద విచారణ చేస్తున్నారు.
మరోవైపు నయీమ్ తన డైరీలో చాలామంది పేర్లను కోడ్ భాషలోనే రాసుకున్నాడు. అందులో కోకోనట్ లాగానే కొన్ని పండ్లు, పానీయాల పేర్లను పెట్టుకున్నట్లు సమాచారం. ప్రస్తుతం ఈ కోడ్ భాషలో ఉన్న పేర్లు ఎవరెవరివో తెలుసుకునేందుకు పోలీసులు ప్రయత్నిస్తున్నారు.
ఇంకోవైపు నయీమ్ నేర ప్రపంచానికి బాసటగా ఓ మాజీ డీజిపి హ్యాండ్ ఇచ్చాడనే వార్తలు సంచలనం సృష్టిస్తున్నాయి. తెలంగాణ హోంమంత్రి స్వయంగా ఆ మాజీ డిజీపీ, మాజీమంత్రి పేర్లను త్వరలోనే వెల్లడిస్తామని చెప్పడంతో నయీమ్ కేసు రాజకీయంగా, పోలీసు వ్యవస్థలోనూ ప్రకంపనలు సృష్టిస్తోంది.
