చైల్డ్ ఫోర్నోగ్రఫీని షేర్ చేస్తున్న హైదరాబాద్ స్టూడెంట్ అరెస్ట్
చైల్డ్ ఫోర్నోగ్రఫీని షేర్ చేస్తున్న హైదరాబాద్ స్టూడెంట్‌ను పోలీసులు అరెస్ట్ చేశారు. వివరాల్లోకి వెళితే.. మహబూబాబాద్‌ జిల్లా దంతాలపల్లికి చెందిన దీక్షిత్ (24) హైదరాబాద్‌లోని రామాంతపూర్‌లో ఉంటూ ఎంసీఏ మూడో సంవత్సరం చదువుతున్నాడు.
తన వాట్సాప్ గ్రూపుల్లో ఇతరులు పోస్ట్ చేసిన చిన్నారుల అశ్లీల వీడియోలను డౌన్‌లోడ్ చేసి స్నేహితులతో కలిసి చూసే యువకుడిని పోలీసులు అదుపులోకి తీసుకున్నారు.
ఇలాంటి పనులపై నిఘా పెట్టే అమెరికా దర్యాప్తు సంస్థ హోంల్యాండ్ సెక్యూరిటీ ఇన్వెస్టిగేషన్స్ (హెచ్ఎస్ఐ) అతడి ఫోన్ నంబరును ట్రాక్ చేసి ఢిల్లీలోని రాయబార కార్యాలయానికి పంపింది.
వారు సీబీఐకి సమాచారం అందించారు. దర్యాప్తు చేపట్టిన సీఐడీ అధికారులు ఐదు వాట్సాప్ గ్రూపుల ద్వారా అతడికి వీడియోలు అందుతున్నట్టు గుర్తించి ఆ సమాచారాన్ని రాచకొండ సైబర్ క్రైం పోలీసులకు అందించడంతో వారు తాజాగా దీక్షిత్‌ను అరెస్ట్ చేశారు.
