ఆత్మ బరువు 21 గ్రాములే అంటున్న యంగ్ హీరో..
''స్వామిరారా'', ''కార్తికేయ'', ''సూర్య వర్సెస్ సూర్య'' వంటి సినిమాల హిట్‌తో మాంచి ఊపుమీదున్న హీరో నిఖిల్. ఇప్పుడు తాజాగా మరో సరికొత్త కథనంతో ముందుకు రాబోతున్నాడు. ''ఎక్కడికి పోతావు చిన్నవాడా..''తో ప్ర
''స్వామిరారా'', ''కార్తికేయ'', ''సూర్య వర్సెస్ సూర్య'' వంటి సినిమాల హిట్‌తో మాంచి ఊపుమీదున్న హీరో నిఖిల్. ఇప్పుడు తాజాగా మరో సరికొత్త కథనంతో ముందుకు రాబోతున్నాడు. ''ఎక్కడికి పోతావు చిన్నవాడా..'' తో ప్రేక్షకులను థ్రిల్ చేయబోతున్నాడు. ''మరణం దేహానికే కానీ ఆత్మకు కాదని భగవద్గీత చెబుతుంది. మనిషి బరువెంతున్నా మరణానంతరం 21 గ్రాములు తగ్గుతుందని సైన్స్‌ చెబుతుంది.
అంటే 21 గ్రాముల బరువు.. ప్రేమ..? సంతోషం..?, పగ..? బాధ..? ఇవన్నీ కొలువై మరణానంతరం శరీరాన్ని విడిచి వెళ్లే ఆత్మ'' అని ఆత్మకు అర్థాన్ని చెప్పే ప్రయత్నం చేశాడు దర్శకుడు వి.ఐ.ఆనంద్. మనిషి చనిపోయాక 21 గ్రాముల బరువు తగ్గుతాడు అంటూ ఓ ఆత్మ కాన్సెప్ట్‌తో భయపెట్టబోతున్నాడు. వి.ఐ.. ఆనంద్ డైరెక్ట్ చేసిన ఈ సినిమాను పీవీఆర్ సంస్థ నిర్మించింది.
నవంబరులో రిలీజ్‌కు సిద్ధమవుతున్న ఈ సినిమా టీజర్‌ను శనివారం సాయంత్రం విడుదల చేశారు. ఈ సినిమాలో నిఖిల్ కొత్తగా కనిపిస్తున్నాడు. టీజర్ కూడా ఆకట్టుకునేలా ఉంది. స్వామిరారా తర్వాత వైవిధ్యమైన కథలతో ప్రయాణం కొనసాగిస్తోన్న నిఖిల్‌కు ఇది మరో విజయాన్నిఅందిస్తుందని సినీ నిపుణులు అంటున్నారు. ఈ చిత్రంలో హెబ్బాపటేల్‌, నందితా శ్వేత కథానాయికలుగా నటిస్తున్నారు. ఇప్పటి నుంచే ఈ మూవీ కోసం అభిమానులు ఆసక్తిగా ఎదురుచూస్తున్నారు.
