చైతూకు కానుకగా కారు- బాహుబలి-2ని చూడకుండా బయటికొచ్చేసిన సమంత? ఎందుకు?
టాలీవుడ్ ప్రేమపక్షులు సమంత-నాగచైతన్యలు త్వరలో దంపతులు కానున్నారు. సమంతకు సామాజిక సేవ చేయడం అంటే చాలా ఇష్టం. అలాగే నాగచైతన్యకు కార్లు కొనడం అంటే ఇష్టం. కార్ల మోడల్స్ గురించి అప్పుడప్పుడు చైతూ ఆరా తీస్త
టాలీవుడ్ ప్రేమపక్షులు సమంత-నాగచైతన్యలు త్వరలో దంపతులు కానున్నారు. సమంతకు సామాజిక సేవ చేయడం అంటే చాలా ఇష్టం. అలాగే నాగచైతన్యకు కార్లు కొనడం అంటే ఇష్టం. కార్ల మోడల్స్ గురించి అప్పుడప్పుడు చైతూ ఆరా తీస్తుంటాడు. తాజాగా చైతూ గ్యారేజ్‌లోకి కొత్త కారొచ్చి చేరింది. ఈ కారును చైతూకు కాబోయే భార్య సమంత బహుమతిగా ఇచ్చిందట.
ఏప్రిల్ 28న పుట్టిన రోజు వేడుకలు జ‌రుపుకున్న సమంత.. ఈ సందర్భంగా తన ప్రియునికి బీఎమ్‌డ‌బ్ల్యూ 7 సిరీస్ లేటెస్ట్ మోడ‌ల్ కారును బుక్ చేసింద‌ట. ఈ కారు ధ‌ర దాదాపు కోటిన్న‌ర ఉంటుంద‌ని సమాచారం. అలాగే పుట్టినరోజు సందర్భంగా సమంత చిన్నారులను తీసుకెళ్లింది. కానీ రికార్డులు, కలెక్షన్ల సునామీ సృష్టిస్తున్న 'బాహుబలి: ది కన్ క్లూజన్' సినిమాకు వెళ్లిన సమంత.. పట్టుమని అరగంట కూడా సినిమా చూడకుండానే బయటకు వచ్చేసిందట.
దాదాపు 35 మంది చిన్నారులతో హైదరాబాద్‌లోని ఓ థియేటర్లో సినిమా చూసేందుకు వెళ్లిన సమంత.. సినిమా ప్రారంభమైన 20 నిమిషాల తర్వాత బయటకు వచ్చేయడానికి ఏసీనే కారణమట. థియేటర్లో ఏసీ సరిగ్గా పనిచేయకపోవడంతో ఊపిరాడక సమంత బయటికి వచ్చేసినట్లు తెలుస్తోంది.
ఈ సినిమా థియేటర్ యాజమాన్యంపై బాహుబలి టీమ్ అసంతృప్తి వ్యక్తం చేయగా.. థియేటర్ యజమాని సారీ చెప్పినట్లు సమాచారం. ఏది ఏమైనప్పటికీ సమంత మిగిలిన సినిమా చూసిందో లేదో కానీ.. బాహుబలి2ని మాత్రం అభినందిస్తూ ట్విట్టర్లో ట్వీట్ చేసేసింది.
