నాని, సమంత జంటగా కొత్త సినిమా?
నాని, సమంత జంటగా నటించిన ''ఈగ'' సినిమా బంపర్ హిట్ అయిన సంగతి తెలిసిందే. ఈ సినిమాకు తర్వాత నాని మళ్లీ సమంతతో కలిసి ఎటో వెళ్లిపోయింది మనసు సినిమా చేశాడు. ప్రస్తుతం తాజాగా నాని సమంతతో సినిమాకు సిద్ధంగా వున్నట్లు ఫిలిమ్ నగర్ వర్గాల్లో జోరుగా ప్రచారం సాగుతోంది.
అదికూడ సమంత పెళ్లికి తర్వాత నానితో నటించే సినిమా ఇదే కావడం విశేషం. కానీ ఇప్పటివరకు 96 తెలుగు రిమేక్‌లో నాని-సమంతగా జంటగా నటిస్తారనే ప్రచారం జరిగింది.
కానీ, అది శర్వానంద్, సమంత జంటగా తెరకెక్కుతోంది. అయినా.. నాని-సమంత జంటగా మరో సినిమా రాబోతుంది. దీనికి మజిలీ దర్శకుడు శివ నిర్వాణ దర్శకత్వం వహించబోతున్నారనే ప్రచారం జరుగుతోంది. కానీ అది ఫేక్ న్యూస్ అంటూ క్లారిటీ వచ్చేసింది.
తాజాగా దీనిపై దర్శకుడు శివ నిర్వాణ స్పందించారు. ఇప్పటికే తన తర్వాతి సినిమా గురించి వస్తున్న వార్తల్లో నిజం లేదని చెప్పేశారు. త్వరలోనే తన సినిమా వివరాల్ని వెల్లడిస్తాను. ఫేక్ వార్తలను నమ్మకండంటూ స్పష్టం చేశారు. శివ నిర్వాణ తదుపరి సినిమా విజయ్ దేవరకొండతో ఉండనుందని సమాచారం. మరి నాని, సమంతల కాంబోలో ఎవరు సినిమా చేస్తారో తెలియాలంటే వేచి చూడాలి.
