సీతాకోకచిలక నటుడు కార్తీక్ తీవ్ర గాయాలు.. ఏమైందంటే.?
తమిళ సీనియర్ హీరో నటుడు కార్తీక్ తీవ్ర గాయాల పాలైయారు. కార్తీక్ వ్యాయామం చేస్తూ ప్రమాదవశాత్తూ కిందపడ్డారని తెలుస్తోంది. ఈ ఘటనతో ఆయనకు మెడ వద్ద తీవ్ర గాయాలయ్యాని సమాచారం. ప్రస్తుతం కార్తీక్ ఓ ప్రైవేట్ హాస్పిటల్‌లో ట్రీట్ మెంట్ తీసుకుంటున్నారు. ప్రస్తుతం ఆయన ఆరోగ్య పరిస్థితి నిలకడగా ఉన్నట్లు సమాచారం. ఇక కార్తీక్ గత కొంత కాలంగా బీపీ, శ్వాసకోస సంబంధిత సమస్యలతో బాధపడుతున్నారు.
కార్తీక్ సినిమాల విషయానికి వస్తే... ఈ తమిళ నటుడు తెలుగులోనూ చాలా సినిమాల్లో నటించారు. ముఖ్యంగా ఆయన ప్రధాన పాత్రలో నటించిన 'సీతాకోకచిలక' అప్పట్లో ఘన విజయం సాధించింది. ఈ సినిమాతో ఆయన తెలుగులో అభిమానులను సంపాదించుకున్నారు.
కార్తీక్ నటించిన సినిమాల్లో ముఖ్యంగా.. అన్వేషణ, మగరాయుడు, అభినందన, అనుబంధం, గోపాల రావు గారి అబ్బాయి వంటి సినిమాలు మంచి పాపులారిటీని తెచ్చాయి. ఇక ఓ వైపు సినిమాల్లో నటిస్తూనే సొంతంగా ఓ పార్టీ కూడా పెట్టారు.
అయితే ఆ తర్వాత తన పార్టీని ఆరోగ్య కారణాలతో రద్ధు చేశారు. ఇక కార్తీక్ కుమారుడు గౌతమ్ కార్తీక్ మణిరత్నం సినిమా కడలితో టాలీవుడ్ ఎంట్రీ ఇచ్చారు. ఈ సినిమా అనుకున్నంతగా అలరించలేకపోయింది.
