బన్నీ మూవీకి ఇలాంటి టైటిల్ పెట్టారేంటి..?
స్టైలీష్ స్టార్ అల్లు అర్జున్ - మాట‌ల మాంత్రికుడు త్రివిక్ర‌మ్ శ్రీనివాస్ కాంబినేష‌న్లో ఓ భారీ చిత్రం రూపొందుతోన్న విష‌యం తెలిసిందే. ఈ చిత్రాన్ని గీతా ఆర్ట్స్, హారిక & హాసిని క్రియేష‌న్స్ సంస్థ‌లు సంయుక్తంగా నిర్మిస్తున్నాయి. ఇది అల్లు అర్జున్‌కి 19వ సినిమా. ప్రస్తుతం ఈ సినిమా షూటింగు దశలో వుంది. ప్రధానమైన పాత్రలకి సంబంధించిన కొన్ని ముఖ్యమైన సన్నివేశాలను చిత్రీకరిస్తున్నారు.
తండ్రీ కొడుకుల సెంటిమెంట్తో ఈ సినిమా రూపొందుతోందనీ... ఈ చిత్రానికి నేను - నాన్న, పార్ధు, అల‌క‌నంద... వీటిలో ఏదో ఒక టైటిల్‌ను ఖ‌రారు చేసే ఆలోచ‌న‌లో ఉన్నార‌ని వార్తలు వ‌చ్చాయి. అయితే... ఆగస్టు 15వ తేదీన ఈ సినిమా టైటిల్ పోస్టర్‌ను విడుదల చేయనున్నట్టు ప్రకటించారు.
ఇదిలాఉంటే... ఈ చిత్రానికి ఊహించ‌ని టైటిల్ ఖ‌రారు చేసారని తెలిసింది. అదేంటంటే... అలా.. వైకుంఠ‌పురంలో. ఈ టైటిల్‌నే ఖ‌రారు చేసారని జోరుగా ప్ర‌చారం జ‌రుగుతోంది.
బన్నీ స‌ర‌స‌న పూజా హెగ్డే న‌టిస్తుంది. ఈ భారీ చిత్రాన్ని సంక్రాంతికి విడుదల చేయనున్నారు. మ‌రి.. ప్ర‌చారంలో ఉన్న‌ట్టుగా అలా...వైకుంఠ‌పురంలో అనే టైటిల్‌నే ఖ‌రారు చేసారా..? లేక వేరే టైటిల్ పెట్టారా..? అనేది ఆగ‌ష్టు 15న తెలుస్తుంది.
