వాల్డ్ డిస్నీకి కష్టాలొచ్చాయా? మొహంజదారోతో దిమ్మ దిరిగింది
వాల్డ్ డిస్నీకి కష్టాలు వచ్చాయా? ఆ కష్టాలన్నీ మొహంజదారో సినిమాతోనేనా అంటే అవుననే అంటున్నాయి బాలీవుడ్ జనం. వాల్ట్‌ డిస్నీ సినీ ప్రియులకు ప్రత్యేకంగా పరిచయం అక్కర్లేని ప్రొడక్షన్ హౌజ్. వాల్డ్ డిస్నీ ఇప
వాల్డ్ డిస్నీకి కష్టాలు వచ్చాయా? ఆ కష్టాలన్నీ మొహంజదారో సినిమాతోనేనా అంటే అవుననే అంటున్నాయి బాలీవుడ్ జనం. వాల్ట్‌ డిస్నీ సినీ ప్రియులకు ప్రత్యేకంగా పరిచయం అక్కర్లేని ప్రొడక్షన్ హౌజ్. వాల్డ్ డిస్నీ ఇప్పటి వరకూ ఎన్నో సినిమా తీసింది. ఇప్పటి వరకూ లాభాలుతప్ప నష్టాలు కళ్ళచూడని ఈ సంస్థకు మొదటి సారి దిమ్మతిరిగే ఎదురు దెబ్బ తగిలిందట.
''మొహంజోదారో" సినిమాను యూటీవీ భాగస్వామ్యంతో హక్కులు కొనుగోలు చేసి విడుదల చేసిన ఈ సంస్థకు భారీ నష్టంతో చుక్కలు కనిపించాయట. గతంలో విడుదల చేసిన సినిమాలో ఏదో విధంగా పెట్టుబడి తిరిగి ఇచ్చేసినా ఈ సినిమా మాత్రం పెద్ద షాకే ఇచ్చింది. దాంతో భారతీయ సినిమాలకు టాటా చెప్పేయాలన్న నిర్ణయానికి వచ్చిందట.
ఈ ప్రక్రియ డిసెంబరు నాటికి పూర్తవుతుందని సినీ వర్గాల్లో టాక్. మొహంజదారో కోసం రూ.125 కోట్లు బడ్జెట్ పెట్టగా రూ. 50 కోట్లు రాబడి రాగా, రూ. 75కోట్ల నష్టం ఏర్పడిందని సినీ పండితులు అంటున్నారు.
