రాజమౌళి చిత్రంలో డ్రీమ్ గర్ల్‌గా నటించాలనుంది: వైల్డ్ డాగ్ బ్యూటీ సయామి
టాలీవుడ్ స్టార్ డైరెక్టర్ రాజమౌళి చిత్రంలో తను డ్రీమ్ గర్ల్ గా నటించాలన్న ఆశ వుందని వైల్డ్ డాగ్ బ్యూటీ సయామీ ఖేర్ అంటోంది. ఆమె నటించిన వైల్డ్ డాగ్ చిత్రం ఏప్రిల్ 2న విడుదలకు సన్నద్ధమవుతోంది. ఈ చిత్రంలో నాగార్జున ప్రధాన పాత్ర పోషిస్తున్నారు. అహిషోర్ సోలమన్ దర్శకత్వం వహించారు. 2007 హైదరాబాద్ పేలుళ్లపై నిజ జీవిత సంఘటనల ఆధారంగా ఈ చిత్రం రూపొందించబడింది.
సయామి బాలీవుడ్‌లో పాపులర్ అయిన ఫేస్. ఐతే ఆమె టాలీవుడ్ చిత్రం రేలో 2015లో నటించింది. కానీ ఆ చిత్రం బయటకు రావడానికి మూడేళ్ల కాలం పట్టింది. ఆ చిత్రంలో తన నటనను గుర్తుచేసుకుంటూ, సరైన సమయంలో అది విడుదలయినట్లయితే టాలీవుడ్ ఇండస్ట్రీలో మరిన్ని చిత్రాల్లో నటించేదాన్నంటూ చెప్పుకొచ్చింది.
వైల్డ్ డాగ్‌లో ఆమె రీసెర్చ్ & అనాలిసిస్ వింగ్ (రా) ఏజెంట్ పాత్రను పోషిస్తుంది. ఆమె శిక్షణ పొందిన క్రీడాకారిణి, మార్షల్ ఆర్ట్స్‌లో నేపథ్యం ఉన్నందున, ఇది ఈ చిత్రంలో ఆమెకు సహాయపడింది. కాగా తనకు మాత్రం రాజమౌళి చిత్రంలో నటించాలన్న ఆశ వుందని చెప్పుకొచ్చింది.
