ఆస్కార్ రేస్ నుంచి 'గల్లీ బాయ్' ఔట్
ఆస్కార్ అవార్డుల పోటీ నుంచి బాలీవుడ్ చిత్రం "గల్లీ బాయ్"ను తొలగించారు. గత యేడాది జాతీయ అవార్డును కైవసం చేసుకున్న అస్సాం చిత్రం "విలేజ్ రాక్ స్టార్స్" కూడా మ‌ధ్య‌లోనే ఆస్కార్ నామినేష‌న్స్ నుంచి తొలగించిన విషయం తెల్సిందే. అయితే, భారత్ నుంచి అమీర్ ఖాన్ న‌టించిన "ల‌గాన్" చిత్రం ఆస్కార్ నామినేషన్స్‌కి ఎంపికైంది.
కాగా, గల్లీబాయ్ చిత్రంలో బాలీవుడ్ స్టార్ రణ్‌వీర్ సింగ్ హీరోగా నటించగా, గ్లామర్ బ్యూటీ అలియా భట్ హీరోయిన్‌గా నటించింది. ముంబై మురికివాడల్లో పెరిగిన ఓ యువకుడు ఇండియాలోనే టాప్ ర్యాపర్‌గా ఎదిగిన తీరును ఈ మూవీలో చూపించారు.
ఈ చిత్రం ప్రతి ఒక్కరి ప్రశంసలు అందుకుంది. దీంతో 92వ ఆస్కార్ అవార్డ్స్‌కు భారత్ నుంచి అధికారిక ఎంట్రీగా ఎంపికైంది. అయితే షార్ట్ లిస్ట్‌లో భాగంగా టాప్ 10 నుంచి ఈ మూవీని తొల‌గించ‌డం జ‌రిగింది.
షార్ట్ లిస్ట్ చేసిన ఉత్త‌మ విదేశీ చిత్రాలు
పార‌సైట్ - సౌత్ కొరియా, బీన్‌పోలే- ర‌ష్యా, ది పైన్టెడ్ బ‌ర్డ్- క్జెచ్ రిప‌బబ్లిక్, ట్రూత్ అండ్ జ‌స్టిస్‌- ఎస్టోనియా, లెస్ మిసెర్బాల్స్ - ఫ్రాన్స్‌, థోస్ హూ రిమైన్డ్ - హంగేరి, హ‌నీలాండ్ - నార్త్ మెసిడోనా, కోర్ప‌స్ క్రిస్టి- పోలాండ్‌, అట్లాంటిక్స్- సెన‌గ‌ల్‌, పెయిన్ అండ్ గ్లోరీ - స్పెయిన్. ఇక ఐదు అంతర్జాతీయ చిత్రాలను ఎంపిక చేసే తదుపరి రౌండ్ నామినేషన్లు జనవరి 13న వెల్లడిస్తారు. 92వ ఆస్కార్ అవార్డ్స్ కార్య‌క్ర‌మం ఫిబ్ర‌వ‌రి 9న లాస్ ఏంజెల్స్‌లో ఘ‌నంగా జరుగనుంది.
