యుద్ధం.. యుద్ధం అంటూ బోర్ కొట్టిస్తున్న రజనీకాంత్ : నటి కస్తూరి కామెంట్స్
రాజకీయాల్లోకి రావాలా? వద్దా? అన్న మీమాంశలో ఉన్న తమిళ సూపర్ స్టార్ రజనీకాంత్‌పై సినీ నటి కస్తూరి సంచలన వ్యాఖ్యలు చేసింది. రజనీ.. పోరు, పోరు (యుద్ధం) అంటున్న మీ మాటలు విని బోర్ కొడుతోంది స్వామీ.. రాజకీ
రాజకీయాల్లోకి రావాలా? వద్దా? అన్న మీమాంశలో ఉన్న తమిళ సూపర్ స్టార్ రజనీకాంత్‌పై సినీ నటి కస్తూరి సంచలన వ్యాఖ్యలు చేసింది. రజనీ.. పోరు, పోరు (యుద్ధం) అంటున్న మీ మాటలు విని బోర్ కొడుతోంది స్వామీ.. రాజకీయ ప్రవేశంపై స్పష్టమైన ప్రకటన చేయకుండా పోరు వచ్చినప్పుడు చూసుకుందామంటూ తమిళ సూపర్‌స్టార్‌ రజినీకాంత్ చేస్తున్న ప్రకటనలు బోర్ కొడుతున్నాయి. అనిశ్చితి పరిస్థితిలోనూ స్థిరమైన నిర్ణయాన్ని తక్షణం తీసుకునేవాడే నిజమైన రాజకీయ నాయకుడు. రజనీకాంత్ కూడా ఏదో ఒక స్థిరమైన నిర్ణయాన్ని త్వరగా తీసుకోవాలి అంటూ సినీ నటి కస్తూరి వ్యాఖ్యానించారు.
ఇదే అంశంపై ఆమె ట్వీట్ చేస్తూ.. రజనీ నాన్చుడు ధోరణి విరక్తి కలిగిస్తోంది. ఐదేళ్లుగా అభిమానులను కలుసుకుంటున్న ఆయన యుద్ధం.. యుద్ధం అంటూ బోరో కొట్టిస్తున్నారని (పోర్.. పోర్.. రజనీ బోర్) వ్యాఖ్యానించింది. రాజకీయ అరంగేట్రానికి ధైర్యం కావాలని పేర్కొంది. రాజకీయ ప్రవేశంపై రజనీ ఏళ్ల తరబడి ఆలోచిస్తున్నారని ఎద్దేవా చేసింది. ఈ
కాగా, కస్తూరి వ్యాఖ్యలపై రజనీ అభిమానులు మండిపడుతున్నారు. ‘‘నీవు కూడా రజనీ గురించి మాట్లాడుతున్నావా?.. టైమ్.. ఏం చేస్తాం.. నోరు మూసుకో’’ అంటూ ఓ అభిమాని ఘాటుగా కౌంటరిచ్చాడు. దీనికి కస్తూరి కూడా అంతే ఘాటుగా స్పందించింది. ‘‘నీవు పుట్టక ముందు నుంచే నేను రజనీ అభిమానిని. నీలాంటి మర్యాదలేని అభిమానుల వల్ల రజనీకి చెడ్డపేరు, అవమానం. ముందు నీ నోరు మూసుకో’’ అని చెంప చెళ్లుమనేలా బదులిచ్చింది.
‘‘సినిమాల్లో ఉండి రజనీని విమర్శిస్తావా.. ఎంత అమర్యాద!’’ అన్న మరో వీరాభిమాని కామెంట్‌కు కస్తూరి స్పందిస్తూ తాను చేసింది విమర్శలు కావని, విరక్తితోనే అలా అన్నానని, ఇదే అభిప్రాయం అందిరిలోనూ ఉందని, కాకపోతే తాను బయటపెట్టానని పేర్కొంది.
