"నేను చాలా సిన్సియర్‌ మనిషిని... ప్రభాస్‌లా కాదు" : దగ్గుబాటి రానా (Baahubali-2 trailer video)
ప్రపంచ వ్యాప్తంగా సినీ ప్రేక్షకులంతా ఎంతో ఆత్రుతగా ఎదురు చూస్తూ వచ్చిన "బాహుబలి 2 ట్రైలర్" గురువారం ఉదయం హైదరాబాద్‌లో రిలీజ్ చేశారు. ఈ ట్రైలర్ రిలీజ్ కార్యక్రమంలో ఓ సరదా సన్నివేశం ఆవిష్కృతమైంది.
ప్రపంచ వ్యాప్తంగా సినీ ప్రేక్షకులంతా ఎంతో ఆత్రుతగా ఎదురు చూస్తూ వచ్చిన "బాహుబలి 2 ట్రైలర్" గురువారం ఉదయం హైదరాబాద్‌లో రిలీజ్ చేశారు. ఈ ట్రైలర్ రిలీజ్ కార్యక్రమంలో ఓ సరదా సన్నివేశం ఆవిష్కృతమైంది. ఒక విలేఖరి అడిగిన ప్రశ్నకు భల్లాలదేవుడి పాత్రధారి రానా దగ్గుబాటి తనదైనశైలిలో సమాధానం చెప్పాడు.
ఇంతకీ ఆ రిపోర్టర్ ఏం అడిగారంటే.. 'బాహుబలి పార్ట్-1'లో మీకు పాట లేదని మీ అభిమానులు తెగ ఫీలయ్యారు. ఇక రెండో భాగంలోనైనా ఆ కోరిక నెరవేరుతుందా అని? అని ప్రశ్నించారు. ఈ ప్రశ్నకు రానా సమాధానమిస్తూ పక్కనే ఉన్న 'బాహుబలి-2' పోస్టర్ చూపించి.. "ఆ పోస్టర్‌లో అతడిని (భల్లాలదేవుడు) చూస్తుంటే సాంగ్స్ చేసేవాడిలా కనిపిస్తున్నాడా? ఒకసారి క్లియర్‌గా చూడండి" అంటూ సమాధానం ఇచ్చాడు.
అంతేకాదండోయ్ బాహుబలి పార్ట్-1లో ‘మనోహరి’ సాంగ్‌లో మీరూ కూడా డాన్స్ చేస్తారేమో అనుకున్నాము అని రిపోర్టర్ అనగా.. ‘‘అమ్మాయిలతో ప్రభాసే డాన్స్ చేస్తాడు. నేను పని చేస్తుంటాను. నేను చాలా సిన్సియర్‌ మనిషిని’’ అంటూ సమాధానివ్వడంతో ఆ ప్రాంగణమంతా నవ్వులతో నిండిపోయింది.
