''ఎక్కడికి పోతావు చిన్నవాడా''లో అవికాగోర్: స్వాతికి ఛాన్స్‌తో పాటు రూ.18లక్షలు మిస్..
నిఖిల్ హీరోగా నటించిన ''ఎక్కడికి పోతావు చిన్నవాడా'' సినిమా కలెక్షన్లు వెల్లువెత్తుతున్నాయి. హారర్ నేపథ్యంలో రూపుదిద్దుకున్న ఈ సినిమాలో అవికాగోర్ గెస్ట్ రోల్ పోషించింది. ఈ రోల్ ద్వారా అవికాకు మంచి మార
నిఖిల్ హీరోగా నటించిన ''ఎక్కడికి పోతావు చిన్నవాడా'' సినిమా కలెక్షన్లు వెల్లువెత్తుతున్నాయి. హారర్ నేపథ్యంలో రూపుదిద్దుకున్న ఈ సినిమాలో అవికాగోర్ గెస్ట్ రోల్ పోషించింది. ఈ రోల్ ద్వారా అవికాకు మంచి మార్కులే పడ్డాయి. మరో ఇద్దరు హీరోయిన్లు హెబ్బా పటేల్, నందిత శ్వేతలు కూడా అద్భుతంగా నటించారు. అయితే అవికాగోర్ రోల్‌లో కలర్స్ స్వాతి నటించాల్సింది. కానీ గెస్ట్ రోల్ కావడంతో వద్దని తిరస్కరించింది.
అవికా గోర్ ఆ పాత్రకు ఓకే చెప్పడం.. ఆ పాత్ర ద్వారా తనకు గుర్తింపు లభించడంతో ఎగిరిగంతేస్తోంది. హెబ్బా పటేల్, నందిత శ్వేత ఉన్నా.. వాళ్ళతో సమానంగా అవిక కూడా భేష్ అనిపించుకుంది. గతంలో కార్తికేయ సినిమా ద్వారా నిఖిల్‌తో స్వాతి కెమిస్ట్రీ పండిందని టాక్ సొంతం చేసుకుంది.
అయితే ఎక్కడికి పోతావు చిన్నవాడా సినిమాలో గెస్ట్ రోల్ వద్దనుకోవడం ద్వారా పారితోషికంతో పాటు గుర్తింపు కూడా స్వాతి మిస్ చేసుకుందని సినీ పండితులు అంటున్నారు. కాగా అవికా గోర్‌కు గెస్ట్ రోల్ కోసం రూ.18 లక్షలు పారితోషికంగా ఇచ్చినట్లు వారు చెప్తున్నారు.
