పెరుగుతో సమ్మర్ బ్యూటీ చిట్కాలు...

ప్రతిరోజూ ఆహారంలో భాగంగా తీసుకునే పెరుగు, మజ్జిగలో ఎన్నోరకాల పోషక విలువలు దాగున్నాయి. అవి ఆరోగ్యంతోపాటు అందాన్నికూడా ఇస్తాయి. పెరుగులో నిమ్మరసం కలిపి ముఖానికి, మెడకు, చేతులకు పట్టించి 20 నిమిషాల తరువా

ప్రతిరోజూ ఆహారంలో భాగంగా తీసుకునే పెరుగు, మజ్జిగలో ఎన్నోరకాల పోషక విలువలు దాగున్నాయి. అవి ఆరోగ్యంతోపాటు అందాన్నికూడా ఇస్తాయి. పెరుగులో నిమ్మరసం కలిపి ముఖానికి, మెడకు, చేతులకు పట్టించి 20 నిమిషాల తరువాత చల్లని నీటితో కడిగితే శరీరం, చర్మం మృదువుగా కాంతివంతంగా మారుతుంది.

తలస్నానం చేసేందుకు ఒక గంట ముందుగా తలకు పెరుగును బాగా పట్టించి తలస్నానం చేసుకుంటే కండీషనర్ వాడవలసిన అవసరం ఉండదు. అలాగే పెరుగులో తేనెను కలిపి పూసినా చక్కని కండీషనర్‌లా ఉపయోగపడుతుంది. 

పెరుగులో శనగపిండిని కలిపి ముఖానికి, చర్మానికి రాసుకుని 20 నిమిషాల తరువాత కడుక్కుంటే మృతుకణాలు తొలగిపోతాయి. ముల్తానీ మట్టిలో పెరుగును కలిపి, శరీరమంతటా అప్లై చేస్తే అది క్లెన్సింగ్ ఏజెంటులా పనిచేస్తుంది. పెరుగులో కాస్తంత చక్కెరగానీ లేదా ఉప్మా రవ్వగానీ వేసి బాగా కలుపుకుని ముఖానికి పట్టించి మసాజ్ చేస్తే చర్మం అందంగా మారుతుంది.

పెరుగులో కాస్త పచ్చి పసుపును వేసి కళ్లచుట్టూ ఉండే నల్లటి వలయాలపై రాస్తే నలుపుదనం తగ్గుతుంది. ఎండలో బయటకు వెళ్లొచ్చినప్పుడు పెరుగులో ఐస్‌క్యూబ్స్ వేసుకుని ఆ మిశ్రమంతో ముఖానకి మసాజ్ చేస్తే ఎండకు కమిలిన చర్మానికి ఉపశమనం లభిస్తుంది.