గుడ్ న్యూస్.. పాత నోట్ల మార్పిడికి మరో ఛాన్స్... ఆర్థిక శాఖ ఆర్డర్స్

దేశ ప్రజలకు కేంద్ర ప్రభుత్వం మరో శుభవార్త చెప్పింది. పాత నోట్ల రద్దుతో అష్టకష్టాలు పడిన అనేక మంది... నిర్ణీత గడువులోగా పాత నోట్లను మార్పిడి చేసుకోలేక పోయారు. ఇలాంటివారు మళ్లీ పాత నోట్లను మార్పిడి చేసు

దేశ ప్రజలకు కేంద్ర ప్రభుత్వం మరో శుభవార్త చెప్పింది. పాత నోట్ల రద్దుతో అష్టకష్టాలు పడిన అనేక మంది... నిర్ణీత గడువులోగా పాత నోట్లను మార్పిడి చేసుకోలేక పోయారు. ఇలాంటివారు మళ్లీ పాత నోట్లను మార్పిడి చేసుకునే వెసులుబాటును కల్పించింది. ఈ మేరకు కేంద్రం నిర్ణయం తీసుకున్నట్టు జాతీయ ఎలక్ట్రానిక్ మీడియాలో కథనాలు వస్తున్నాయి. 

రద్దయిన పాత రూ.500, రూ.1000 నోట్లను డిపాజిట్ చేసేందుకు మరోసారి అవకాశం ఇచ్చింది. ఈ నెల 30లోగా ఆయా బ్యాంకులు, పోస్టాఫీసుల్లోని పాతనోట్లను రిజర్వ్ బ్యాంకులో డిపాజిట్ చేయాలని.. పాతనోట్ల విలువకు తగిన కొత్త నోట్లను తీసుకెళ్లాలని సూచించింది. ఈ మేరకు మంగళవారం కేంద్ర ఆర్థిక శాఖ అధికారిక ఉత్తర్వులను వెలువరించినట్టు సమాచారం. 

గత సంవత్సరం నవంబరులో రద్దయిన రూ.500, రూ.1000 నోట్లు తమ వద్ద కుప్పలు తెప్పలుగా ఉన్నాయని వాటిని మార్చుకునేందుకు అవకాశం ఇవ్వాలని పోస్టాఫీసులు, జిల్లా కేంద్ర సహకార బ్యాంకులు రిజర్వ్ బ్యాంక్ ఆఫ్ ఇండియాకు మొరపెట్టుకోవడంతో, వాటిని మార్చుకునేందుకు మరో అవకాశాన్ని ఇస్తున్నట్టు ఆర్బీఐ ప్రకటించినట్టు తెలుస్తోంది.