Daily Horoscope
✕

సిరీస్ టీమిండియాదే.. ఇండోర్ వన్డేలో ఆసీస్ చిత్తు...

సొంతగడ్డపై టీమిండియా సింహంలా గర్జించింది. ఆస్ట్రేలియాతో జరిగిన ఐదు వన్డేల సిరీస్‌ను మరో రెండు మ్యాచ్‌లు ఉండగానే కైవసం చేసుకుంది. ఇండోర్‌ వేదికగా జరిగిన మూడో వన్డేలో వికెట్ల 5 తేడాతో ఘన విజయం సాధించింద

Written By pnr
Updated: సోమవారం, 25 సెప్టెంబరు 2017 (06:09 IST)
సొంతగడ్డపై టీమిండియా సింహంలా గర్జించింది. ఆస్ట్రేలియాతో జరిగిన ఐదు వన్డేల సిరీస్‌ను మరో రెండు మ్యాచ్‌లు ఉండగానే కైవసం చేసుకుంది. ఇండోర్‌ వేదికగా జరిగిన మూడో వన్డేలో వికెట్ల 5 తేడాతో ఘన విజయం సాధించింది. ఆస్ట్రేలియా నిర్దేశించిన 294 పరుగుల లక్ష్యాన్ని మరో 13 బంతులు మిగిలి ఉండగానే ఛేదించింది. 
 
ఓపెనర్లు రహానే (70), రోహిత్‌ శర్మ(70) అద్భుత ఆరంభాన్ని ఇవ్వగా, హార్దిక్‌ పాండ్యా(78) సమయోచిత ఇన్నింగ్స్‌ ఆడి టీమిండియా విజయంలో మరోసారి కీలక పాత్ర పోషించాడు. నాలుగో వన్డే ఈ నెల 28న బెంగళూరు వేదికగా జరగనుంది.
 
అంతకుముందు తొలుత టాస్ నెగ్గిన ఆస్ట్రేలియా బ్యాటింగ్ ఎంచుకుంది. ఓపెనర్లు డేవిడ్ వార్నర్, ఫించ్‌లు మంచి శుభారంభాన్ని ఇచ్చారు. జట్టు స్కోరు 70 పరుగుల వద్ద ఉన్నప్పుడు వార్నర్ (42) హార్దిక్ పాండ్యా బౌలింగ్‌లో బౌల్డయ్యాడు. అనంతరం క్రీజులోకి వచ్చిన కెప్టెన్ స్టీవ్ స్మిత్‌తో కలిసి అరోన్ ఫించ్ భారీ భాగస్వామ్యాన్ని నెలకొల్పాడు. క్రీజులో కుదురుకున్నాక బ్యాట్ ఝళిపించారు. ఈ క్రమంలో ఫించ్ 125 బంతుల్లో 12 ఫోర్లు, 5 సిక్సర్లతో 124 పరుగులు చేయగా కెప్టెన్ స్మిత్ 71 బంతుల్లో 5 ఫోర్లతో 63 పరుగులు చేసి ఔటయ్యారు. 
 
ఈ క్రమంలో 224 పరుగుల వద్ద ఫించ్ ఔటైన తర్వాత భారత బౌలర్లు పట్టుబిగించారు. క్రమంగా వికెట్లు తీస్తూ ఆసీస్ భారీ స్కోరు 300 పరుగులు దాటకుండా అడ్డుకున్నారు. స్మిత్ అవుటయ్యాక ఆసీస్ వెంటవెంటనే వికెట్లు చేజార్చుకుంది. మ్యాక్స్‌వెల్ (5), ట్రావిస్ హెడ్ (4), హ్యాండ్స్‌కోంబ్ (3), స్టోయిన్స్ 27 (నాటౌట్), అగర్ 9 (నాటౌట్) పరుగులు మాత్రమే చేయడంతో నిర్ణీత 50 ఓవర్లలో ఆసీస్ ఆరు వికెట్ల నష్టానికి 293 పరుగులు చేసింది. భారత బౌలర్లలో బుమ్రా, కుల్దీప్ యాదవ్ చెరో రెండు వికెట్లు పడగొట్టగా, చాహల్, పాండ్యాలకు చెరో వికెట్ దక్కింది.
 
అనంతరం 294 పరుగుల విజయలక్ష్యంతో బరిలోకి దిగిన కోహ్లీ సేన... 5 వికెట్ల తేడాతో లక్ష్యాన్ని చేధించింది. ఐదు వన్డేల సిరీస్‌ను భారత్ 3-0తో నెగ్గింది. రహానే 70, రోహిత్ శర్మ 71, కోహ్లీ 28, పాండ్యా 78, జాదవ్ 2, పాండే 36, ధోనీ 3 పరుగులు చేశారు. ఆస్ట్రేలియా బౌలర్లు కమిన్స్ 2, నీల్ 1, రిచర్డ్‌సన్ 1, అగర్ 1 వికెట్ తీశారు. 
About Author
pnr
ఠాగూర్ పులపాక ప్రముఖ దినపత్రిక ఈనాడు, చెన్నై కార్యాలయంలో 'న్యూస్ కాంట్రిబ్యూటర్‌'గా జర్నలిజం ఓనమాలు నేర్చుకున్నారు. హైదరాబాద్ కార్యాలయంలో 'ఆంధ్రజ్యోతి' సబ్-ఎడిటర్ పని చేశారు. 2007 నుంచి 'వెబ్ దునియా'లో అసిస్టెంట్ ఎడిటర్‌‌గా విధులు నిర్వహిస్తున్నారు..... Read More

అన్నీ చూడండి

ఆరోగ్య శాఖలో కలకలం - నకలీ డెత్ సర్టిఫికేట్లతో కారుణ్య ఉద్యోగాలు

బంజారా హిల్స్‌లో పట్టపగలు దారుణ హత్య.. వ్యక్తిని కత్తితో పొడిచి చంపేశారు... (వీడియో)

ఉద్యోగులకు దీపావళి కానుక : నగదు కట్టలు! (వీడియో)

సొంత చెల్లికి ఆస్తిలో భాగం ఇవ్వాల్సివస్తుందని బయటకు గెంటేసిన కేటీఆర్ : సీఎం రేవంత్ రెడ్డి

ఏపీలోని పట్టణ ప్రాంతాల్లో ఎన్నికల కోడ్ ఎత్తివేత

అన్నీ చూడండి

థియేటర్లలో 'రామాయణ' మూవీ వీడియోలు తీస్తున్నారా.. అయితే జైలుకే

దక్షిణాది చిత్రాల్లో చేదు అనుభవాలున్నాయ్ : రాధికా ఆప్టే

'వెంకటలక్ష్మి రావే’… ప్రేమకు పదాల పట్టాభిషేకం

Anushka Shetty Birth Day: అనుష్క శెట్టి 45వ పుట్టినరోజున శుభాకాంక్షలు తెలిపిన అభిమానులు

Naga Chaitanya: వృషకర్మ నుంచి స్వాగ్ అటిట్యూడ్‌తో ‘స్వాగ్ ఆఫ్ అర్జున్ రిలీజ్

తర్వాతి కథనం
Show comments