ద్రావిడ్ కారును ఢీకొన్న ఆటో... డ్రైవరుతో ద్రావిడ్ వాగ్వాదం (Video)
భారత మాజీ కెప్టెన్, మాజీ ప్రధాన కోచ్ రాహుల్ ద్రావిడ్ కారును ఓ ఆటో డ్రైవర్ ఢీకొట్టాడు. దీంతో కారు ముందు భాగం స్వల్పంగా దెబ్బతింది. ద్రావిడ్ కారులో ప్రయాణిస్తుండగా, ఈ ప్రమాదం బెంగుళూరు నగరంలో చోటు చేసుకుంది. ఈ ప్రమాదంలో ద్రావిడ్‌కు గాయాలు కాకపోవడంతో అంతా ఊపిరి పీల్చుకున్నారు. ప్రమాదం అనంతరం ఆటో డ్రైవర్‌తో ద్రావిడ్ వాగ్వాదానికి దిగారు. దీనికి సంబంధించిన వీడియో సోషల్ మీడియాలో వైరల్ అవుతోంది.
ప్రమాదం జరిగిన సమయంలో కారును ద్రావిడ్ స్వయంగా డ్రైవ్ చేస్తున్నట్టు వీడియో ద్వారా అర్థమవుతోంది. ద్రావిడ్ నిర్లక్ష్యంగా డ్రైవ్ చేశారా? లేక ఆటో డ్రైవర్ నిర్లక్ష్యంగా డ్రైవ్ చేశాడా? అనే విషయంలో మాత్రం క్లారిటీ లేదు. ద్రావిడ్‌కు ఆటో డ్రైవర్ ఏదో వివరణ ఇచ్చే ప్రయత్నం చేస్తుండటం వీడియోలో కనిపిస్తోంది. అయితే, ఈ ఘటనపై ఇద్దరిలో ఎవరూ పోలీసులకు ఫిర్యాదు చేయలేదు.
