ఆకుకూరలు వండేటప్పుడు ఈ టిప్స్ పాటించండి..

ఆకుకూరలు వండేటప్పుడు ఈ టిప్స్ పాటించండి.. ముందుగా ఆకుకూరలను రెండు మూడుసార్లు కడగాలి. ఎందుకంటే..? చిన్న పురుగులు, దుమ్ము, వంటివి తొలగిపోతాయి. కడిగేటప్పుడు పావు స్పూన్ ఉప్పు వేసి శుభ్రం చేస్తే ఇంకా మంచి

ఆకుకూరలు వండేటప్పుడు ఈ టిప్స్ పాటించండి.. ముందుగా ఆకుకూరలను రెండు మూడుసార్లు కడగాలి. ఎందుకంటే..? చిన్న పురుగులు, దుమ్ము, వంటివి తొలగిపోతాయి. కడిగేటప్పుడు పావు స్పూన్ ఉప్పు వేసి శుభ్రం చేస్తే ఇంకా మంచిది. ఇలా చేయడం ద్వారా క్రిములు చనిపోతాయి. అలాగే ఆకుకూరలను వండే సమయంలో మూత పెట్టి వండటం ద్వారా పూర్తి పోషకాలు లభిస్తాయి. 

ఆకుకూరలు ఉడికించిన తర్వాత ఆ నీటిని పారేయకుండా ఉప్పు, నిమ్మరసం కలిపి సూప్‌ గా తీసుకుంటే ఆరోగ్యానికి ఎంతో మంచిది. ఆకుకూరల్లో రోజుకో రకం బచ్చలి, మెంతికూర, కొత్తిమీర, కరివేపాకు, తోట కూర, కొయ్యతోటకూర, అవిశాకు, మునగాకు, గోంగూర, చింతచిగురు, పొన్నగంటి, పాలకూర, చుక్కకూరను ఎక్కువగా వాడాలి. ఆయా కాలంలో చౌకగా దొరికే ఆకు కూరలను ప్రతిరోజు ఏదో రూపంలో వాడడం మంచిది. 

పెసర పప్పు, పాలకూర, కరివేపాకు పొడి, పుదీనా పచ్చడి, గోంగూర పప్పు, ఆకుకూర పకోడి, బచ్చలి-బజ్జి వంటి వెరైటీలుగా ఆకుకూరల్ని ఆహారంలో చేర్చుకోవచ్చునని ఆరోగ్య నిపుణులు అంటున్నారు.