#COUPLESCHALLENGE యూపీ యువకుడితో హాలీవుడ్ నటి ఫోటో.. వైరల్
సోషల్ మీడియాలో అప్పుడప్పుడు ఏదో ఒక ఛాలెంజ్‌కు సంబంధించిన వీడియోలు లేదా ఫోటోలు ట్రెండింగ్ అవుతుండటం సాధారణమైన విషయమే. ఈ నేపథ్యంలో ప్రస్తుతం కపుల్ ఛాలెంజ్ అనే పేరిట పలువురు తమ జోడీలతో కూడిన ఫోటోలను సోషల్ మీడియాలో షేర్ చేస్తున్నారు.
ఈ ఛాలెంజ్ ప్రస్తుతం నెట్టింట ట్రెండింగ్ అవుతోంది. ఇలాంటి పరిస్థితుల్లో #coupleschallenge అనే హ్యాష్ ట్యాగ్‌ను ఉపయోగించి.. ఉత్తరప్రదేశ్‌కు చెందిన యువకుడు పోస్టు చేసిన ఫోటో ప్రస్తుతం హాలీవుడ్ వరకు ట్రెండింగ్ అయి కూర్చుంది.
ఇందుకు కారణం ఆ యువకుడు షేర్ చేసిన ఫోటోలో ప్రముఖ హాలీవుడ్ నటి అలెగ్జాండ్రియా డడ్డాడ్రియో ఫోటోను ఎడిట్ చేసి.. సెల్ఫీ తీసుకున్నట్లు వుండటమే. ఇది సోషల్ మీడియాలో వైరల్ అవుతోంది. ఈ ఫోటోను అలెగ్జాండ్రియా కూడా తన ట్విట్టర్ పేజీలో పోస్టు చేయడం విశేషం.
ఇందుకు భారీగా స్పందన వస్తోంది. ఇలా అలెగ్జాండ్రియా తన ఫోటోను షేర్ చేస్తుందని ఆ యువకుడు ఊహించలేదు. అదే విషయాన్ని ఆ యువకుడు అలెగ్జాండ్రియా ఫోటోకు కామెంట్ చేశాడు. దీంతో #coupleschallengeలో అలెగ్జాండ్రియా యూపీ యువకుడి ఫోటో వైరల్ అవుతోంది.
