అతడు నా భార్యను అనరాని మాటలన్నాడు... విల్ స్మిత్

హాలీవుడ్ సూపర్ స్టార్ విల్ స్మిత్ తాను చేసిన పనికి పశ్చాత్తాపం చెందుతున్నట్టు చెప్పాడు. ఆస్కార్ అవార్డుల ప్రదానోత్సవ కార్యక్రమంలో స్మిత్ భార్యపై యాంకర్ క్రిస్ రాక్ కామెంట్ చేశారు. దీంతో క్రిస్‌ను విల్ స్మిత్ చెంపఛెళ్లుమనిపించారు. ఈ ఘటనపై ఆస్కార్ నిర్వాహకులతో పాటు చాలా మంది స్మిత్‌పై చాలా మంది విమర్శలు గుప్పించారు. ఆస్కార్ కమిటీ కూడా విల్ స్మిత్‌పై చట్టపరమైన చర్యలకు సిద్ధమైంది. 

దీంతో విల్ స్మిత్ బహిరంగ క్షమాపణలు చెప్పారు. తాజాగా కూడా ఆయన పశ్చాత్తాపం వ్యక్తం చేస్తూ మరోమారు క్షమాపణలు కోరారు. తన భార్య అనారోగ్య పరిస్థితిపై ఆయన అనవసర జోకులు పేల్చారని, అందుకే కోపం వచ్చి ఆయన్ను చెంపపై కొట్టినట్టు చెప్పారు. 

"నేను చేసింది ముమ్మాటికీ తప్పే. అందుకు క్రిస్‌కు క్షమాపణలు చెప్పుకుంటున్నా. దారి తప్పి ప్రవర్తించాను. నా చర్యకు, ప్రవర్తనకు సిగ్గుపడుతున్నా. నేను చేసిన పనికి నన్ను తప్పుగా అనుకోవద్ద" అంటూ తన ఇన్‌స్టా ఖాతాలో రాసుకొచ్చాడు. హింస ఏ రూపంలో ఉన్నప్పటికీ అధి విషమేనని, దాన్ని ఎవరూ ప్రోత్సహించరాదని చెప్పారు. ముఖ్యంగా ఆస్కార్ అవార్డుల ప్రదానోత్సవంలో తన ప్రవర్తన ఏమాత్రం క్షమించరానిదని ఆయన గుర్తుచేశారు.