ఉపాధ్యాయ వృత్తికి మచ్చ తెచ్చిన టీచర్.. స్టూడెంట్‌ను ఇంటికి పిలిపించుకుని..?
ఉపాధ్యాయ వృత్తికి ఓ టీచర్ మచ్చ తీసుకొచ్చింది. తన స్టూడెంట్‌తోనే కామవాంఛ తీర్చుకుంది. చివరకు వ్యవహారం బయటపడటంతో చేసేదేమీ లేక కటకటాలపాలయ్యింది. ఈ ఘటన అమెరికాలోని లూసియానాలో చోటుచేసుకుంది. వివరాల్లోకి వెళితే.. లూసియానాలో మిడిల్ స్కూల్లో ఎల్లరియా సిల్వా(34) సైన్స్ టీచర్‌గా పనిచేస్తోంది. 15 వయస్కుడైన విద్యార్థిని తన ఇంటికి పిలిపించుకుని లైంగిక వాంఛను తీర్చుకునేది.
ఇలా కనీసం 10 సార్లు ఆ లేడీ టీచర్ తన స్టూడెంట్‌ను ఇంటికి పిలిపించుకుని అఘాయిత్యానికి పాల్పడినట్లు పోలీసులు ఆరోపిస్తున్నారు. ఇంట్లో తన సొంత బిడ్డ ఉన్నప్పుడే స్టూడెంట్‌తో లైంగిక సంబంధం పెట్టుకున్నట్లు పోలీసుల దర్యాప్తులో తేలింది. తన నగ్న ఫోటోలు, వీడియోలను కూడా ఆ టీచర్.. స్టూడెంట్‌కు ఈ-మెయిల్ పంపినట్లు పోలీసులు నిర్ధారించారు. టీచర్ వ్యవహారంపై ఫిర్యాదు రావడంతో స్కూల్ యాజమాన్యం ఆమెను జనవరి 24న సస్పెండ్ చేసింది.
తన ఇంటి నుంచి కారులో సిల్వా ఇంటికి తీసుకెళ్లి, అక్కడ లైంగిక వాంఛ తీర్చుకునేదని పోలీసుల విచారణలో స్టూడెంట్ తెలిపాడు. జువెనైల్ చట్టంలో పలు సెక్షన్ల కింద ఆమెపై పోలీసులు కేసు నమోదు చేశారు.
