'సింగం' సూర్యగా సీఎస్కే కెప్టెన్ ధోనీ!

భారత క్రికెట్ జట్టు మాజీ కెప్టెన్, చెన్నై సూపర్ కింగ్స్ కెప్టెన్ మహేంద్ర సింగ్ ధోనీ ఏ పని చేసినా అది వైరల్ కావాల్సిందే. తాజాగా ఆయన వేషం మార్చారు. అంటే.. సింగం సూర్యగా కనిపించారు. దీంతో ధోనీ ఫోటో ఇపుడు సోషల్ మీడియాలో వైరల్ అవుతోంది. 

శనివారం రాత్రి అబుదాబి వేదికగా ఐపీఎల్ 2020 ప్రారంభ మ్యాచ్ జరిగింది. ఇందులో ముంబై ఇండియన్స్‌తో చెన్నై సూపర్ కింగ్స్ జట్టు తలపడింది. ఈ మ్యాచ్‌లో సీఎస్కే విజయం సాధించింది. అయితే, ఈ మ్యాచ్‌ కోసం బరిలోకి దిగిన ధోనీ.. సరికొత్త లుక్‌లో కనిపించారు. అంటే.. తన గడ్డం స్టయిల్‌ను పూర్తిగా మార్చేశాడు. 

క్రికెట్‌లో అడుగుపెట్టిన కొత్తల్లో పొడవాటి జులపాల జుట్టుతో కనిపించాడు. సాధారణ హెయిరి స్టైల్‌తో కనిపించాడు. అపుడు, ఇపుడు ఎపుడైనా.. ధోనీ చిత్రాలు ఎంత వైరలో, ఇప్పుడు ఆయన కొత్త స్టయిల్ అంతే వైరల్ అయి, టాక్ ఆఫ్ ది టౌన్‌గా నిలిచింది. 

దక్షిణాది భాషల్లో సూపర్ హిట్‌గా నిలిచిన తమిళ హీరో సూర్య నటించిన 'సింగం' చిత్రాల్లో మాదిరిగా, ధోనీ తన స్టయిల్‌ను మార్చుకున్నారు. ఇక, ఈ చిత్రాలు వైరల్ కావడంతో ఫ్యాన్స్ పలు రకాల కామెంట్లు పెడుతున్నారు. 

Thala #Dhoni In singam Look