సన్ రైజర్స్-కోల్ కతా మ్యాచ్‌కు వర్షం అడ్డంకి: కేకేఆర్ టార్గెట్ 178 రన్స్!

ఐపీఎల్-8లో భాగంగా కోల్కతా నైట్ రైడర్స్, సన్ రైజర్స్ హైదరాబాద్ల మ్యాచ్కు వర్షం అంతరాయం కలిగించింది. విశాఖ వైఎస్ఆర్ క్రికెట్ స్టేడియంలో జరుగుతున్న ఈ మ్యాచ్లో హైదరాబాద్ ఇన్నింగ్స్ (178/4) ముగిసిన వెంటనే వర్షం ఆరంభమైంది. ప్రస్తుతం విశాఖలో వర్షం కురుస్తోంది. కోల్కతా లక్ష్యసాధనలో బరిలో దిగాల్సివుంది. వర్షం కారణంగా మ్యాచ్ ఆలస్యమయ్యే అవకాశముంది.

కోల్‌కతాతో జరిగే మ్యాచ్‌లో సన్ రైజర్స్ అదరగొట్టారు. సన్ రైజర్స్ ఓపెనర్ డేవిడ్ వార్నర్ బ్యాట్ ఝుళిపించాడు. కోల్ కతా నైట్ రైడర్స్‌తో విశాఖపట్నంలో జరుగుతున్న మ్యాచ్‌లో వార్నర్ 91 పరుగులు చేసి మోర్కెల్ బౌలింగ్‌లో వెనుదిరిగాడు.

మరో ఓపెనర్ శిఖర్ ధావన్ (54) కూడా రాణించడంతో సన్ రైజర్స్ జట్టు నిర్ణీత 20 ఓవర్లలో 4 వికెట్లకు 177 పరుగులు చేసింది. చివర్లో వికెట్ కీపర్ నమన్ ఓఝా 8 బంతుల్లో 18 పరుగులు చేశాడు. ఓఝా స్కోరులో ఓ ఫోర్, రెండు సిక్సులున్నాయి. నైట్ రైడర్స్ బౌలర్లలో మోర్కెల్ 2 వికెట్లు తీశాడు. ఉమేశ్ యాదవ్, ఆండ్రీ రసెల్ చెరో వికెట్ పడగొట్టారు.