కేసీఆర్ సోదరుడి కుమారుడిపై భూకబ్జా కేసు
బీఆర్ఎస్ అధినేత కేసీఆర్ సోదరుడి కుమారుడు కన్నారావు (కల్వకుంట్ల తేజేశ్వర్ రావు)పై భూకబ్జా కేసు నమోదైంది. రంగారెడ్డి జిల్లా ఆదిబట్ల పోలీసులు కేసు నమోదు చేశారు. ఆదిబట్ల పీఎస్‌ పరిధిలోని 2 ఎకరాల భూమిని ఆక్రమించేందుకు ప్రయత్నించారని ఎఫ్‌ఐఆర్‌లో పేర్కొన్నారు.
కన్నారావుతో పాటు మరో 38 మంది బీఆర్ఎస్ నేతల పేర్లను ఎఫ్‌ఐఆర్‌లో చేర్చారు. ఐపీసీ సెక్షన్లు 307, 447, 427, 436, 148, 149 కింద కేసు నమోదు చేశారు. ఫెన్సింగ్ రాళ్లను తొలగించడం, సరిహద్దు రాళ్లను అమర్చడంపై ఎఫ్‌ఐఆర్‌లో పేర్కొన్నారు.
38 మందిలో ముగ్గురు వ్యక్తులను పోలీసులు అదుపులోకి తీసుకోగా, మిగిలిన 35 మంది పరారీలో ఉన్నారు. కన్నారావు ప్రస్తుతం బెంగళూరులో ఉన్నట్లు పోలీసులు గుర్తించారు.
