వివాదాస్పద జ్యోతిష్యుడు వేణు స్వామికి నోటీసులు
వివాదాస్పద జ్యోతిష్యుడు వేణు స్వామి సినిమా తారలు, రాజకీయ నాయకుల గురించి జోస్యం చెప్తూ వచ్చారు. ఆయన చెప్పిన జాతకాలు కొన్ని జరిగినా మరికొన్ని విఫలమయ్యాయి. 2024 సార్వత్రిక ఎన్నికల్లో వైఎస్ జగన్ విజయం సాధిస్తారని ఆయన జోస్యం చెప్పారు కానీ అది జరగకపోవడంతో బహిరంగ క్షమాపణలు చెప్పారు.
అయితే, నాగ చైతన్య, శోభిత ధూళిపాళ గురించి అతిగా ఉత్సాహంగా అంచనా వేయడం అతన్ని వివాదంలో పడేసింది. పెళ్లి తర్వాత నాగ చైతన్య, శోభిత విడిపోతారని వేణు స్వామి వ్యాఖ్యానించారు. ఈ నేపథ్యంలో వేణు స్వామికి నోటీసులు అందాయి.
నవంబర్ 14వ తేదీ ఉదయం 11 గంటలకు తమ ఎదుట హాజరుకావాలని తెలంగాణ రాష్ట్ర మహిళా కమిషన్ సమన్లు జారీ చేసింది. ఇలా విచారణకు హాజరు కావాల్సిందిగా కమిషన్ నోటీసులు పంపడం ఇదే తొలిసారి కాదు. అంతకుముందు స్టే కోసం కోర్టును ఆశ్రయించారు.
కమిషన్ సమన్లను వేణు స్వామి హైకోర్టులో సవాల్ చేశారు. అయితే తాజాగా ఆ స్టే ఆర్డర్‌ను ఎత్తివేసిన కోర్టు.. వారంలోగా అవసరమైన చర్యలు తీసుకోవాలని కమిషన్‌ను ఆదేశించింది. ఆ తర్వాత కమిషన్ రెండోసారి నోటీసులు జారీ చేసింది. మరి ఇప్పటికైనా విచారణకు హాజరవుతాడో చూడాలి.
