కాజల్‌పై కోట శ్రీనివాస్ సెటైర్లు: అందాలు చూపించడానికే తప్ప..!?
హీరోయిన్ కాజల్ అగర్వాల్‌పై సీనియర్ నటుడు కోట శ్రీనివాసరావు అనవసరంగా నోరుజారి తర్వాత నాలుక్కరుచుకున్నారు. తన అభిప్రాయాలను నిర్మొహమాటంగా చెప్పే కోట.. 'గోవిందుడు అందరివాడేలే' సక్సెస్ మీట్‌కు రాంచరణ్ వేరే నగరంలో ఉండటంతో రాలేదు.
అలాగే, హీరోయిన్ కాజల్ కూడా ప్రెస్ మీట్ ప్రారంభమైనప్పటికీ ఇంకా రాకపోవడంతో కోట ఆమెపై విసర్లు విసిరారు. ''హీరోయిన్లు అందాలు చూపించడానికే తప్ప, మాట్లాడటానికి రారు కదా! కాజల్ రాదులే!'' అంటూ సెటైరికల్‌గా వ్యాఖ్యానించారు.
అయితే, ఆ తర్వాత కాజల్ హడావుడిగా ప్రెస్ మీట్‌కు వచ్చింది. వేరే సినిమా షూటింగ్‌లో ఉంటూ, ఆ సినిమా లంచ్ బ్రేక్‌లో హడావుడిగా 'గోవిందుడు అందరివాడేలే' ప్రెస్ మీట్‌కు హాజరయ్యిందని, ఆ కారణంగానే ఆలస్యమయ్యిందని కోటకు తెలిసింది. దీంతో నాలుక్కరుచుకుని తన వ్యాఖ్యలను సీరియస్‌గా తీసుకోవద్దని మీడియా ముందు చెప్పేశారు.
