గుజరాత్‌లో నాలుగేళ్ల బాలుడుకి హెచ్ఎంపీవీ వైరస్!
గుజరాత్ రాష్ట్రంలో నాలుగేళ్ళ బాలుడుకి హెచ్ఎంపీవీ వైరస్ సోకింది. బాలుడుని ఆస్పత్రిలో చేర్పించి చికిత్స అందిస్తున్నారు. ప్రస్తుతం ఆ బాలుడు ఆరోగ్యం నిలకడగా ఉన్నట్టు వైద్యులు వెల్లడించారు. దీంతో గుజరాత్ రాష్ట్రంలో హెచ్ఎంపీవీ కేసుల సంఖ్య ఎనిమిదికి చేరింది. బాలుడుకి వైద్య సాయం అందిస్తున్నామని అహ్మదాబాద్‌ మున్సిపల్ కార్పొరేషన్ వైద్య అధికారి భవిన్ సోలంకి వెల్లడించారు.
అహ్మదాబాద్‌లోని గోటా ప్రాంతానికి చెందిన ఈ నాలుగేళ్ల బాలుడు రెండు రోజుల క్రితం జ్వరం, దగ్గుతో బాధపడుతూ ఎస్జీవీపీ ఆస్పత్రిలో చేరగా, అతనికి జరిపిన వివిధ రకాలైన వైద్య పరీక్షలు చేశారు. ఇందులో హెచ్ఎంపీలవీ వైరస్ సోకినట్టు వైద్యులు నిర్ధారించారు. అయితే, ఆ బాలుడు విదేశాలకు వెళ్లివచ్చిన దాఖలాలు లేకపోవడం గమనార్హం.
