"అప్సర రాణి"ని వర్మ అలా వాడేసుకుంటున్నారా?
వివాదాస్పద దర్శకుడు రాంగోపాల్ వర్మ ద్వారా రీఎంట్రీ ఇచ్చిన హీరోయిన్ అప్సర రాణి. ఈమె పేరుకు మాత్రమే హీరోయిన్. ఇప్పటివరకు ఈమె కేవలం ఐటమ్ సాంగ్‌లకే పరిమితమైంది. కానీ, వర్మ తీసే చిత్రాల్లో మాత్రం బోల్డ్ పాత్రల్లో నటిస్తూ కుర్రకారుకు నిద్రలేకుండా చేస్తోంది.
నిజానికి ఈమె అసలు పేరు అంకితా మహారాణ. ఒరిస్సా అమ్మాయి. 2019లో '4 లెటర్స్' సినిమా ద్వారా టాలీవుడ్‌కు హీరోయిన్‌గా పరిచయమైది. ఆ తర్వాత 'ఊల్లాల ఊల్లాల' సినిమా చేసింది. రెండు సినిమాలు చేసినా ఈమె ఎవరో ఎవరికీ అంతగా తెలియలేదు.
కానీ ఎప్పుడైతే సంచలన దర్శకుడు రాం గోపాల్ వర్మ చూపులో పడిన అంకితా మహారాణి కాస్త అప్సర రాణిగా పేరు మార్చుకుంది. ఆ తర్వాత తన మార్క్ బోల్డ్ కంటెంట్‌తో తెరకెక్కించిన 'థ్రిల్లర్‌'తో అప్సర రాణిని హీరోయిన్‌గా పరిచయం చేశాడు. దీంతో ఆమె ఓవర్ నైట్ స్టార్ అనేంతగా క్రేజ్ వచ్చింది.
ఆ తర్వాత టాలీవుడ్ మేకర్స్ దృష్టి అప్సర మీదా బాగా పడింది. ఈ క్రమంలోనే మాస్ మహారాజ రవితేజ నటించిన 'క్రాక్' సినిమాలో 'భూమ్ బద్దల్' సాంగ్ చేసి బాగా పాపులర్ అయింది. అదేసమయంలో ఐటెం సాంగ్ అంటే స్టార్ హీరోయిన్ లేదా ముంబై బ్యూటీస్ ఉండాలని ఆలోచించే మేకర్స్ ఇప్పుడు ఈ యంగ్ బ్యూటీ మీద ఫోకస్ పెట్టారు.
ఫలితంగానే గోపీచంద్ - తమన్నా నటించిన 'సీటీమార్' సినిమాలో కూడా అప్సర రాణికి ఐటెం సాంగ్ చేసే అవకాశం దక్కింది. అంతేకాదు మరికొన్ని సినిమాలలోనూ ఐటెం సాంగ్స్‌కు తన పేరునే పరిశీలిస్తున్నారట. ఒకవైపు ఇలా ఐటెంస్ సాంగ్స్ చేస్తూనే మరోవైపు వర్మ రూపొందించిన 'డేంజరస్‌' వంటి బోల్ద్ మూవీలో నటించింది.
ఇందులోనూ ఈమె ఘాటుగా కనిపించనుంది. అయితే అప్సర రాణిలో హీరోయిన్ అయ్యే క్వాలిటీస్ బాగా ఉన్నాయని.. యంగ్ హీరోలకి మంచి జోడీ అనే టాక్ వినిపిస్తోంది. హీరోయిన్‌గా అవకాశాలు రావడం లేదా, లేక తనకే హీరోయిన్‌గా నటించే ఉద్దేశ్యం లేదా అనే విషయంలో ఆమెనే క్లారిటీ ఇవ్వాలి.
