యథార్థ ఘటన ఆధారంగా చెంచల

chechala poster

శ్రీ లక్ష్మి జ్యోతి క్రియేషన్స్ బ్యానర్ నిర్మిస్తోన్న `చెంచల` మూవీ టైటిల్ లోగోను విజయ దశమి సందర్భంగా విడుదల చేశారు. 'చెంచల' మూవీ కూర్గ్ ప్రాంతంలో పాము చుట్టూ జరిగిన యథార్థ ఘటనల ఆధారంగా ఈ చిత్రాన్ని నిర్మిస్తున్నారు. చెంచల పాత్రలో ఓ ప్రముఖ కథానాయిక కనిపించబోతోన్నారు.

ఈ చిత్రానికి జగదీష్ అచార్ దర్శకత్వం వహిస్తుండగా కేజీయఫ్ ఫేమ్ రవి బస్రూర్, సుజిత్ శెట్టిలు సంగీతాన్ని అందిస్తున్నారు.  రామి రెడ్డి కెమెరామెన్‌గా, వెంకీ ఎడిటర్‌గా, రామ్ లక్ష్మణ్ ఫైట్ మాస్టర్లుగా పని చేస్తున్నారు. ఈ సినిమాకు  రచన భార్గవరామ్. డి,  వనమాలి పాటలు రాస్తుండగా.. చిన్ని ప్రకాష్‌ కొరియోగ్రఫీ చేస్తున్నారు.

ఈ సినిమా కథ చంచల పాత్రకు, ఓ పాముకు మధ్య సాగుతుంది. చెంచల కుటుంబం ఎలా హత్యకు గురైంది.. తన గతం ఏంటి? పాముతో తనకున్న సంబంధం ఏంటి? అనే ఆసక్తికరమైన అంశాలతో ఈ చిత్రం తెరకెక్కుతోంది. త్వరలోనే ఈ సినిమాకు సంబంధించిన మరిన్ని వివరాలు ప్రకటించబోతోన్నట్టు నిర్మాత ఏఎన్ బాలాజీ తెలిపారు. తెలుగు, తమిళ, కన్నడ, మలయాళ భాషల్లో భారీ ఎత్తున నిర్మిస్తున్నారు. నవంబర్ నుంచి రెగ్యులర్ షూటింగ్ ప్రారభిస్తాం అని నిర్మాత ప్రకటించారు.