అక్టోబర్‌లో మా వివాహం.. డేట్ ఇంకా ఫిక్స్ కాలేదు.. చైతూ
ప్రముఖ యువనటులు నాగచైతన్య, సమంత వివాహంపై సోషల్ మీడియాలో వార్తలు వైరల్ అవుతున్నాయి. అక్టోబర్ 6న వివాహంతో వీరిద్దరూ దంపతులు కానున్నారని వార్తలు వస్తున్నాయి. రారండోయ్ వేడుక చూద్దాం.. సినిమా ప్రమోషన్ సందర
ప్రముఖ యువనటులు నాగచైతన్య, సమంత వివాహంపై సోషల్ మీడియాలో వార్తలు వైరల్ అవుతున్నాయి. అక్టోబర్ 6న వివాహంతో వీరిద్దరూ దంపతులు కానున్నారని వార్తలు వస్తున్నాయి. రారండోయ్ వేడుక చూద్దాం.. సినిమా ప్రమోషన్ సందర్భంగా నాగచైతన్య మాట్లాడుతూ.. తమ వివాహం అక్టోబర్ రెండు లేదా మూడో వారంలో ఉంటుందని చెప్పారు. కానీ డేట్ ఇంకా అనుకోలేదని చైతూ వెల్లడించారు.
ఇకపోతే.. ‘రారండోయ్ వేడుక చూద్దాం’ చిత్రం ఆడియో రిలీజ్ వేడుక అట్టహాసంగా జరిగింది. ఈ సందర్భంగా నాగచైతన్యపై అక్కినేని నాగార్జున ప్రశంసలు కురిపించారు. తండ్రిగా కాదు.. సినీ నిర్మాతగా చెప్తున్నా.. తన హీరో (చైతూ) సూపర్ అంటూ కుమారుడిపై నాగ్ కొనియాడారు.
ఈ చిత్రం ఆడియో సీడీలను ఆవిష్కరించిన అనంతరం నాగార్జున మాట్లాడుతూ, ఈ సినిమాలో చక్కటి పల్లెటూరి పిల్లలాగా రకుల్ ప్రీత్ సింగ్ ఓణీలు వేసుకుంటుంది. ఈ సినిమాలో ఆమె పర్ఫార్మెన్స్ చాలా బాగుందని కితాబిచ్చారు. రారండోయ్ సినిమా ద్వారా తప్పకుండా హిట్ కొడతామని నాగ్ వ్యాఖ్యానించారు.
