అవును.. సినిమా కోసం ఆ పని చేశాను: హరితేజ

బుల్లితెరపై హరితేజకు ఎంతో క్రేజ్ ఉంది. ఈమధ్య ఆమె సినిమాల్లో కూడా బాగానే నటిస్తోంది. రష్మిక మందనకు అక్కగా సరిలేరు నీకెవ్వరు సినిమాలో నటించింది హరితేజ. అంతకు ముందు రవితేజ సినిమాలోను కనిపించింది. ఇలా కొన్ని సినిమాల్లో సైడ్ క్యారెక్టర్లలో కనిపిస్తోంది.

అయితే లాక్ డౌన్ కొనసాగుతుండడంతో ఇంటికే పరిమితమైన హరితేజ తన అభిమానులతో ఇన్‌స్టాగ్రాం ద్వారా ప్రతిరోజూ చాట్ చేస్తోందట. అయితే ఈ మధ్య కొంతమంది అభిమానులు ఛాటింగ్‌లో హరితేజను ఇబ్బంది పెట్టే విధంగా ప్రశ్నలు అడుగుతున్నారట. 

మీకు సిగరెట్ కాల్చడం బాగా తెలిసినట్లుంది. హిట్ సినిమాలో మీరు సిగరెట్ కాల్చిన తీరు చూస్తూ అలాగే ఉంది మేడం అంటూ హరితేజకు సందేశం పంపాడట. దీంతో ఆమె ఆ సందేశాన్ని చూసి ఆశ్చర్యపోయి అదంతా ఏమీ లేదు. సినిమా కోసం మాత్రమే అలా చేయగలిగాను. అంతే, నాకు సిగరెట్ తాగడం తెలియదంటోంది హరితేజ.

అలాగే మీ వయస్సు ఎంత అని అడిగితే నా వయస్సు మీరు తెలుసుకోవాలా.. నా వయస్సు చెబితే మీరు నమ్మరు... నేను పుట్టింది 1992వ సంవత్సరంలో చాలా చిన్న వయస్సు నాది. కానీ నటన మాత్రం బాగా వచ్చు అని తనను తాను పొగిడేసుకుంటోందట హరితేజ.