జనతా గ్యారేజ్ పోస్టర్లలో ఎన్టీఆర్ ఏడీ...? మోహన్ లాల్ హీరోగా ప్రచారం
తెలుగు సినిమా ఇండస్ట్రీ లోని హీరోలకు మలయాళంలోను మంచి క్రేజ్ ఉంది. యంగ్ టైగర్ ఎన్.టి.ఆర్ నటించిన జనతా గ్యారేజ్ చిత్రం సెప్టెంబరు ఒకటో తేదీన విడుదలవుతున్న సంగతి విదితమే. కాగా ఎన్నో రోజులుగా ఎదురుచూస్తున్న భారీ విజయం ‘జనతా గ్యారేజ్’తో వస్తుందని యంగ్ ట
తెలుగు సినిమా ఇండస్ట్రీ లోని హీరోలకు మలయాళంలోను మంచి క్రేజ్ ఉంది. యంగ్ టైగర్ ఎన్.టి.ఆర్ నటించిన జనతా గ్యారేజ్ చిత్రం సెప్టెంబరు ఒకటో తేదీన విడుదలవుతున్న సంగతి విదితమే. కాగా ఎన్నో రోజులుగా ఎదురుచూస్తున్న భారీ విజయం ‘జనతా గ్యారేజ్’తో వస్తుందని యంగ్ టైగర్ ఎన్టీఆర్ చాలా నమ్మకంగా ఉన్నాడు.
ఇటు తెలుగులోను, అటు మలయాళంలోనూ మార్కెట్‌ సృష్టించుకోవాలని ప్రయత్నాలు చేస్తున్నాడు. ఐతే తెలుగు మాటేమో కానీ, మలయాళంలో మాత్రం ఎన్టీఆర్ కలలు నెరవేరే సూచనలు కనబడటం లేదు. ఎందుకంటే జనతా గ్యారేజ్‌ను మలయాళంలో మోహన్‌లాల్‌ సినిమాగానే ప్రచారం చేస్తున్నారు. ఆ సినిమా పోస్టర్లలోనూ ఆయనే ప్రముఖంగా కనబడుతున్నాడు.
మలయాళ వెర్షన్‌లో ఇప్పటివరకు ఎన్టీఆర్‌ను హైలెట్‌ చేయలేదు. ఈ సినిమా విడుదల తేదీని కన్ఫర్మ చేస్తూ కేరళలో వేసిన పోస్టర్‌లో అయితే ఎన్టీయార్‌ లేనే లేడు. కేవలం మోహన్‌లాల్‌ ఒక్కడే కనిపిస్తున్నాడు. ఈ చిత్రాన్ని మలయాళంలో విడుదల చేస్తోంది, ప్రమోషన్‌ చేస్తోంది కూడా ఆయన సంస్థే. అయితే ప్రస్తుతానికి ఇదో వ్యూహంలా కనిపిస్తోంది. మరి ఈ సినిమా కేరళలో ఎన్టీఆర్‌కు ఎంత పేరు తీసుకువస్తుందో చూడాలి.
