ప్రసవానికి అత్తారింటికి వెళుతున్నా.. ఉపాసన వెల్లడి

మెగా ఫ్యామిలీలో మరో వారసుడు రానున్నాడు. మెగా పవర్ స్టార్ రామ్ చరణ్ సతీమణి ఉపాసన త్వరలోనే ఓ బిడ్డకు జన్మనివ్వనున్నారు. ఈ ప్రసవం కోసం ఆమె అత్తయ్య వాళ్లింటికి వెళుతున్నట్టు ఉపాసన తన వెల్లడించింది. వీరిద్దరూ పెళ్లి చేసుకుని పదేళ్లు పూర్తయింది. ఇటీవలే 11వ వివాహ వార్షికోత్సవాన్ని జరుపుకున్నారు. త్వరలోనే తమ జీవితంలోకి కొత్త వ్యక్తిని ఆహ్వానించబోతున్నారు. 

ఈ నేపథ్యంలో ఉపాసన తాజాగా మాట్లాడుతూ, తాము త్వరలోనే తమ అత్యయ్య గారింటికి వెళ్ళిపోతున్నామన్నారు. పుట్టబోయే బిడ్డ కోసమే ఈ నిర్ణయం తీసుకున్నామని చెప్పారు. ప్రస్తుంత రామ్ చరణ్, తాను వేరే ఇంట్లో ఉంటున్నామని అయితే, ఇకమీదట అత్తయ్య మామలతోనే ఉండాలని నిర్ణయించుకున్నట్టు చెప్పారు. 

పిల్లల ఎదుగుదల, పెంపకంలో గ్రాండ్ పేరంట్స్ ప్రభావం ఎంతో కీలకమన్నారు. తమ బిడ్డ కూడా అలాంటి వాతావరణంలో పెరగాలన్న ఉద్దేశ్యంతో అత్తయ్య వాళ్లింటికి మకాం మార్చుతున్నట్టు చెప్పారు. గ్రాండ్ పేరెంట్స్ నుంచి తాను, రాం చరణ్ ఎంతో నేర్చుకున్నామని, ఇపుడు తమకు పుట్టబోయే బిడ్డకు కూడా ఆ అవకాశాన్ని ఆనందాన్ని దూరం చేయాలని అనుకోవడం లేదని ఉపాసన చెప్పుకొచ్చారు.