ఆది పెన్నిశెట్టి, నిక్కీ గల్రానీల వివాహం గురించి అంబికా గుప్తా ఏమ‌న్నారంటే!
Adi Pennishetti, Nicki Galrani, Ambika Gupta
సెలబ్రిటీ జంట వేడుక‌ల‌లైన వివాహం సాంప్రదాయంతో ఆధునిక ప‌ద్ధ‌తుల‌ను మిళితం చేసే చ‌క్క‌టి క‌ల‌ల వేడుక అని ప్రముఖ వెడ్డింగ్ డిజైనర్ అంబికా గుప్తా అన్నారు. ఆమె ఎంతోమంది సెల‌బ్రిటీల వేడుక‌ల‌ను జ‌రిపారు.
సెలబ్రిటీ వెడ్డింగ్ డిజైనర్ మరియు ది A-క్యూబ్ ప్రాజెక్ట్ వ్యవస్థాపకురాలు, అంబికా గుప్తా ప్రపంచవ్యాప్తంగా డెస్టినేషన్ వెడ్డింగ్‌ల రూపకల్పనలో, కాజల్ అగర్వాల్ వంటి ప్రముఖుల కోసం ఆమె బెస్పోక్ ఈవెంట్‌లకు ప్రసిద్ధి చెందింది. మే 18న వివాహం చేసుకున్న ఆది పినిశెట్టి మరియు నిక్కీ గల్రానీల వివాహాలను డిజైన్ చేయడం కోసం ఆమె ఇప్పుడు వార్తల్లో ఉంది. ‘మరగధ నానయం’, ‘యాగవరాయినుం నా కాఖా’ వంటి చిత్రాలలో కలిసి పనిచేసిన ప్రముఖ నటీనటులు పరస్పర స్నేహితురాలి ద్వారా అంబికతో కనెక్ట్ అయ్యారు.
అంబిక వధూవరుల కోసం డిజైన్ ప్రక్రియను ప్రారంభించింది. వారి ఇష్టాలు, అయిష్టాలు, ఇష్టమైన డెకర్ ఎంపికలు, సెలవులో టూర్ ప్రోగ్రామ్ గురించి ఓ ప్రశ్నావళిని వారికి ఇస్తారు. దానిని బ‌ట్టి హల్దీ, మెహందీ, అసలు పెళ్లి, రిసెప్షన్‌కి డిజైన్ మరియు కలర్ ప్యాలెట్ ఎలా డిజైన్ చేయాలో నిర్ణ‌యిస్తుంది. ఈ విష‌య‌మై అంబిక ఇలా అంటోంది, "వాళ్ళిద్దరూ తమ ఇష్టాయిష్టాల గురించి చాలా నిర్దిష్టంగా చెప్పేవారు. అంతేకాకుండా డిజైన్ టీమ్‌పై చాలా నమ్మకాన్ని ఉంచారు. మేము వారి జీవితాల గురించి, వారు ఎలా కలుసుకున్నారు అనే విషయాల గురించి కూడా చాలా తెలుసుకున్నాము. వారి మొదటి చిత్రం మరియు గత 7 నుండి 8 సంవత్సరాలలో వారి ప్రేమ కథ ఎలా వికసించింది. వారు మాకు చెప్పినవన్నీ గ్ర‌హించి స‌రైన థీమ్‌లను రూపొందించడంలో స‌క్సెస్ అయ్యాం.
మా పని విదానంగాకూడా ఇలా వుంటుందంటూ "మేము ఆర్కిటెక్ట్‌లు మరియు ఇంటీరియర్ డిజైనర్‌ల వలె పని చేస్తాము. లైటింగ్ ఎంపిక మరియు రంగులు, దుస్తులను మరియు కెమెరాలతో ఎలా క్ల‌బ్ అవుతుందో కూడా చాలా జాగ్రత్తగా ఉంటాము. అన్నారు.
అంబికా హల్దీ వేడుకకు అమల్టాస్ అని పేరు పెట్టారు, దీనిని భారతదేశంలో 'ది గోల్డెన్ షవర్ ట్రీ' అని కూడా పిలుస్తారు, "పూర్తిగా భిన్నమైన ప్రపంచాల నుండి ఇద్దరు వ్యక్తులు ఎలా కలిసి వస్తున్నారో కూడా మేము చిత్రించాలనుకుంటున్నాము, కాబట్టి మేము రెండు అమల్టాస్ చెట్లను తీసుకువ‌చ్చి దాని క్రింద జంట కూర్చొనేలా చేస్తామ‌ని చెప్పారు.
పెళ్లి అనేది ఒక అందమైన ప్రేమకథకు పరిపూర్ణమైన ముగింపు అని అంబికా తెలిపారు.
