విశ్వాస పరీక్షను ప్రవేశపెట్టిన యడ్యూరప్ప.. రాజీనామా లేఖ సిద్ధం?
కర్ణాటక రాజకీయాలు క్లైమాక్స్‌కు చేరుకున్నాయి. శనివారం సాయంత్రం 4 గంటలకు సుప్రీంకోర్టు ఆదేశం మేరకు ఆ రాష్ట్ర శాసనసభలో విశ్వాస పరీక్షను ముఖ్యమంత్రి యడ్యూరప్ప ప్రవేశపెట్టారు. ఆ తర్వాత ఆయన తన ప్రసంగాన్ని
కర్ణాటక రాజకీయాలు క్లైమాక్స్‌కు చేరుకున్నాయి. శనివారం సాయంత్రం 4 గంటలకు సుప్రీంకోర్టు ఆదేశం మేరకు ఆ రాష్ట్ర శాసనసభలో విశ్వాస పరీక్షను ముఖ్యమంత్రి యడ్యూరప్ప ప్రవేశపెట్టారు. ఆ తర్వాత ఆయన తన ప్రసంగాన్ని ప్రారంభించారు. అయితే, ఆయన విశ్వాస పరీక్షలో ఓడిపోతామన్న నిర్ణయానికి వచ్చి రాజీనామా లేఖను సిద్ధం చేసుకుని తన ప్యాకెట్‌లో పెట్టుకుని తన ప్రసంగాన్ని ప్రారంభించినట్టు తెలుస్తోంది.
అంతకుముందు శనివారం ఉదయం 11 గంటలకు ఆ రాష్ట్ర శాసనసభ ప్రారంభమైంది. కొత్తగా ఎన్నికైన ఎమ్మెల్యేలతో ప్రొటెం స్పీకర్ ప్రమాణ స్వీకారం చేశారు. ఆ తర్వాత భోజన విరామ సమయం ప్రకటించారు. పిమ్మట మధ్యాహ్నం 3.30 గంటలకు కొలువుదీరిన తీరిన తర్వాత మరికొంతమంది ఎమ్మెల్యేలతో ప్రమాణ స్వీకారం చేయించారు.
ఈ ప్రమాణ స్వీకారాల తంతు ముగిసిన వెంటనే ముఖ్యమంత్రి యడ్యూరప్ప విశ్వాస పరీక్ష తీర్మానాన్ని ప్రవేశపెట్టారు. విశ్వాస పరీక్షలో యడ్యూరప్ప ప్రసంగం తర్వాత యడ్యూరప్ప గవర్నర్ వజూభాయ్ వాలాతో సమావేశమై తన రాజీనామా లేఖను సమర్పిస్తారన్న ఊహాగానాలు వస్తున్నాయి.
