843 అమ్మాయిలకు రోజా పువ్వులిచ్చిన విద్యార్థి: నా లవర్ గ్రేట్ అన్న ప్రేయసి!
అమెరికాలో ఓ విద్యార్థి వెరైటీగా అమ్మాయిలను ఇంప్రెస్ చేశాడు. తాను చదువుకుంటున్న స్కూళ్లో ఉన్న అమ్మాయిలకు వాలెంటైన్ డే శుభాకాంక్షలు హార్ట్ టచ్ అయ్యేలా చెప్పాడు. ఒక్కరిద్దరికి కాదు ఏకంగా స్కూళ్లో ఉన్న 843 మంది అమ్మాయిలకు ఫ్లవర్స్ బహుమతిగా ఇచ్చి అందరిని అబ్బురపరిచాడు.
అమెరికా రాష్ట్రంలోని ఉటాహ్ రాష్ట్రంలోని స్మిత్‌ఫీల్డ్‌లో హేడన్ గాడ్‌ఫ్రే చదువుతున్నాడు. వాలెంటైన్ డేకు మూడు రోజుల ముందే మొత్తం 900 ఫ్లవర్స్‌తో స్కూల్‌కు వచ్చాడు. ఆ స్కూళ్లో ఉన్న అమ్మాయిలందరికీ గులాబీలు ఇచ్చి వాలెంటైన్ డే శుభాకాంక్షలు చెప్పాడు. దాదాపు 20 రోజుల ముందే ఆన్‌లైన్‌లో పువ్వల కోసం గాడ్‌ఫ్రే ఆర్డర్ చేశాడు. ఆ తర్వాత తన ఫ్రెండ్స్‌ సహాయంతో వాటిని గిఫ్ట్‌లుగా రూపొందించాడు. గురువారం ఆ పువ్వులను ట్రక్కులో తరలించి స్కూళ్లో ఉన్న అమ్మాయిలందిరికీ వాలెంటైన్ డే గిఫ్ట్‌గా ఇచ్చేశాడు. గాడ్‌ఫ్రే ఇచ్చిన గులాబీ పువ్వులు అమ్మాయిలను ఎంతగానో ఆకర్షించింది.
ఇంకో ఆశ్చర్యమైన విషయం ఏంటంటే అతని లవర్ కూడా అదే స్కూల్‌లో చదువుతోంది. బాయ్‌ఫ్రెండ్ చేష్టలకు 18 ఏళ్ల లిల్లీయాన్ షార్ప్ అసూయ పడలేదు. తన లవర్ మంచి పని చేశాడని ఆమె సంతోషం వ్యక్తం చేసింది. వాలెంటైన్ రోజున ప్రతి అమ్మాయి ముఖంలో చిరునవ్వును తీసుకొచ్చిన తన లవర్ గ్రేట్ అని తెగ సంబరపడిపోయింది.
