Ganesh Chaturthi 2025: వక్రతుండ మహాకాయ

గణేశుడిని పూజించే ముందు అనేక శ్లోకాలు పఠిస్తారు. వీటిలో ఎక్కువగా పఠించేవి రెండు శ్లోకాలు. వాటిలో మొదటిది...

వక్రతుండ మహాకాయ

సూర్యకోటి సమప్రభ

నిర్విఘ్నం కురు మే దేవ

సర్వకార్యేషు సర్వదా

భావం: ఓ వంకర తొండం కలవాడా, మహా స్వరూపం కలవాడా, కోటి సూర్యుల తేజస్సు కలవాడా, నా దేవుడా, అన్ని పనులలోను నాకు ఏ ఆటంకాలు లేకుండా చేయి.

రెండో శ్లోకం...

శుక్లాంభరధరం విష్ణుం

శశివర్ణం చతుర్భుజం

ప్రసన్నవదనం ధ్యాయేత్

సర్వవిఘ్నోపశాంతయే

భావం: తెల్లని వస్త్రాలు ధరించినవాడు, వ్యాపకుడైనవాడు, చంద్రుని వంటి వర్ణం కలవాడు, నాలుగు భుజాలు కలవాడు, ప్రసన్నమైన ముఖం కలవాడు అయిన గణపతిని ధ్యానిస్తున్నాను. అన్ని ఆటంకాలు తొలగించమని కోరుకుంటున్నాను.

ఈ రెండు శ్లోకాలు సాధారణంగా ఏ పూజ ప్రారంభంలోనైనా, ముఖ్యంగా గణేశుడి పూజ సమయంలో పఠిస్తారు. వీటిని పఠించడం వల్ల పనుల్లో ఎలాంటి ఆటంకాలు రాకుండా ఉంటాయని నమ్ముతారు.